Euskal enpresek Reindus programako 400 milioiko laguntzak eska ditzakete dagoenek
Berrindustrializazioa eta lehiakortasuna bultzatzea da Gobernu zentralak SPRI Taldearen lankidetzaz abiarazitako ekimen honen helburua
Euskal enpresek eskaerak aurkez ditzakete dagoeneko, Gobernu zentralak SPRI enpresen garapenerako euskal agentziaren lankidetzaz abiarazi duen Reindus programari atxikitako proiektuentzako 400 milioiko maileguez profitatzeko. Eskaerak aurkezteko epea ostegunean ireki zen, irailak 26, eta azaroaren 4ra arte luzatuko da.
Berrindustrializazioa eta lehiakortasuna bultzatzea da 20 urteko ibilbidea duen Reindus programaren helburua. Maileguak manufaktura sektoreari zuzenduta daude eta enpresa handiak zein txikiak lehia daitezke. Industria proiektu berriak finantzatzen dira, baita lekualdatzeak, ekoizpen-ildoen hobekuntzak eta 4.0 Industriaren inplementazioa ere.
Gutxieneko aurrekontua 100.000 eurokoa da eta maileguak horren % 75 estaltzen du, % 1eko interes-tasarekin. Hamar urteko kredituak dira, hiru urteko gabezia dutenak. Iaz Euskadin 23 proiektu finantzatu ziren, 35 milioi euroko guztizko kopuruarekin. Oraingoan, 2019ko urtarrilaren 1etik ebazpenaz geroko 18 hilabete igaro arte egindako inbertsioak finantzatuko dira.
Gobernu zentralak, SPRI Taldearen lankidetzaz, 4.0 industriarako laguntza-programa espezifikoa ere eskaini ohi du, 100 milioiko urteko aurrekontuarekin. Zenbait sektoretarako laguntzak ditu, fabrikazio aditiboa, robotika eta txertatutako sentsoreak tarteko. Langile, material zein ikerketa arloko software bati atxikitako langile-gastuak finantzatzen dira, nagusiki.
Gainera, klusterrei zuzendutako 9 milioi euro inguruko laguntza-programaren barruan, dirulaguntzak milioi erdi bat eurokoak ere izan daitezke industria ikerketarako eta garapen esperimentalerako. Horrekin batera, Enisa berrikuntzarako Estatuko enpresak ETEei (partaidetza-maileguen bitartez) ematen dizkien laguntzak aipatu behar dira, izan ere, Enisa urte osoan irekita dagoen leihatila da, berrikuntza-jarduera garatu behar duen enpresaren hasierako finantzaketa erraztea xede duena.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua