Euskal enpresek zuzeneko informazioa jasoko dute Ekonomi Garapen, Jasangarritasun eta Ingurumen Sailak 2021erako emango dituen laguntzei buruz
Izen-emateak datozen egunetan irekiko dira
Euskal enpresek Ekonomi Garapen, Jasangarritasun eta Ingurumen Sailak 2021ean eskainiko dituen laguntza eta zerbitzuei buruzko informazioa jasoko dute otsailaren 24, 25 eta 26an egingo diren hiru jardunaldi telematikoren bitartez. Aurkezpen horietan, kasuan kasuko sailburuordeek programa hauen xehetasun guztiak emango dituzte: I+G, Teknologia, Ekintzailetza, Energia, Industria, Nazioartekotzea, Ekonomia Zirkularra eta Ingurumena, Lehen Sektorea, Elikadurako Industria eta Jasangarritasuna.
Teknologia, Berrikuntza eta Lehiakortasun sailburuorde Estibaliz Hernaezek hilaren 24ko lehen jardunaldian parte hartuko du bere saileko hainbat zuzendarirekin batera, non hizpide hartuko dituen ikerketako, berrikuntzako, eraldaketa digitaleko eta ekintzailetzako programak. Helburua da Euskadi Europa mailako berrikuntza-gune izan dadila, enpresa teknologikoen sorkuntza % 10 handitzea eta Euskadi tokiko industriarekin lankidetzan aritzen diren nazioarteko startup-en trakzio-ekosistema bihurtzea.
Hilaren 25ean Javier Zarraonandia Industria sailburuordearen txanda izango da, zeinak garapen industrial, nazioartekotze, eraginkortasun energetiko eta energia berriztagarrientzako laguntzak aurkeztuko baititu beste arduradun batzuekin batera. Programa horien helburua da industria eta zerbitzu aurreratuak BPGaren % 40 izan daitezela, enpresen nazioartekotzea Covid-ak eragin duen egungo nazioarteko testuingurura egokitzea, eta energiaren amaierako kontsumoaren % 20 energia berriztagarrien bidez asetzea.
Azkenik, hilaren 26an, Nekazaritza sailburuorde Bittor Orozek eta Ingurumen sailburuorde Amaia Barredok hizpide hartuko dituzte lehen sektorerako, elikadura industriarako eta jasangarritasun eta ingurumenerako laguntzak. Programa horiekin lortu nahi dena da elikagaien produkzioa handitzea Euskadin, berotegi efektuko gasen isurketa % 30 murriztea, hondakinen sorkuntza gutxitzea eta horien balorizazioa eta berrerabilpena areagotzea, ingurumen-estrategia politika transbertsal gisa inplementatzea eta uraren, lurzoruaren eta airearen adierazleak hobetzea, bioaniztasuna hobeto defendatu eta errespetatzeko.
Eusko Jaurlaritzak 654,1 milioi euroko aurrekontua du Euskadiren ekonomia berraktibatzeko eta garapen jasangarria sustatzeko. Aurrekontu horren % 40 (268,1 milioi) I+G+B-ko politiketara bideratuko da. Bestalde, “Azpitek” izeneko programa berri bat sortuko da azpiegitura teknologikoetan inbertsioak egiteko eta Basque Artificial Intelligence Center izango denari bultzada bat emateko.
Gainera, 65 laguntza-programa eskainiko dira euskal ETEen lehiakortasuna hobetzeko 432,5 milioi euroko aurrekontuarekin, eta aipatzekoa da, Covid-19aren ondorioz, programa berri bat abiaraziko dela industriaren dibertsifikaziorako eta reshoringerako.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua