Euskal industria finantzatzeko programei buruzko jardunaldi birtuala
Industria Ministerioak eta SPRI Taldeak bideo-dei bidezko ekitaldi bat antolatu dute uztailaren 1erako
Industria Ministerioak eta SPRI Taldeak jardunaldi bat antolatu dute datorren uztailaren 1erako, euskal enpresei proiektu industrialentzako finantzaketa-programa berriak azaltzeko . Ekitaldia bideo-dei bidez egingo da, eta parte-hartzaileek aukera izango dute aldebiko bilerak egiteko Ministerioko kargu batekin.
Jardunaldi honetan informazioa emango da Gobernu Zentralak SPRI Taldearen (Enpresen Garapenerako Euskal Agentziaren) laguntzaz bultzatutako Reindus programari buruz. Euskal enpresei zuzendutako ekimen bat da, zeinaren bidez 400 milioi euroko maileguak eskuratu ahal izango baitituzte euren proiektuentzat. Reindus programak 20 urtetik gorako ibilbidea du, eta helburutzat du berrindustrializazioa eta lehiakortasuna bultzatzea.
Jardunaldian hizpide hartuko dira Industria Ministerioak urte honetarako antolatu dituen finantzaketa-programa berriak, hala nola, Reindus 2020 eta Covid 2020. Hala, enpresek aukera izango dute jakiteko nolako berritasunak txertatu diren Reindus 2020 programaren aurreko deialdietako enpresa onuradunek birfinantzaketak eta atzerapenak negoziatu ditzaten. Gainera, inbertsio berriak nola finantzatu azalduko da.
Jardunaldi hau bereziki zuzentzen zaie enpresa industrialei, aholkularitzei, kontsultoretzei eta finantzaketa-tresnetan interesatutako agente edo pertsonei.
Industria Ministerioko Programen Kudeaketa eta Exekuzioko zuzendariorde nagusi Juan Ignacio Moratinos Alonsok emango dio hasiera bideo-dei bidez (Zoom plataforman) egingo den ekitaldi horri. Aldebiko elkarrizketak Programen Kudeaketa eta Exekuzioko Zuzendariordetza Nagusiko zerbitzu-buru Elena Alazar Rodriguezekin izango dira. Aldebiko bilerak eskatzeko, ezinbestekoa da jardunaldian erregistratzeko inprimakiko galderei erantzutea ekainaren 29a baino lehen.
Lotutako albisteak
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko