Eusko Jaurlaritza Patia Diabetes enpresaren kapitalean sartu da Euskadiko industria bioteknologikoaren berrikuntza sustatzeko
Eusko Jaurlaritza Patia Diabetes enpresa bioteknologikoan sartu da Ekonomiaren Garapen, Jasangarritasun eta Ingurumen Sailaren mende dagoen SPRI Taldeko SGEIC Euskadiko Arrisku Kapitalaren Kudeaketaren bitartez. Ekimen estrategiko horrek Eusko Jaurlaritzak euskal industriaren sustapenarekin eta bioteknologiaren arloko berrikuntzaren aldeko apustuarekin duen konpromisoa indartzen du.
SPRI Taldeak, garapen ekonomikorako politiken erakunde kudeatzailea izanik, Patia Diabetesen parte hartzeko erabakia hartu du, 2 motako diabetesaren prebentziorako, diagnostikorako eta tratamendurako ikerketa eta irtenbide teknologiko aurreratuaren garapena sustatu ahal izateko. Aliantza estrategiko horri esker, Patia Diabetesek bere operazioak hedatu ahal izango ditu eta bere produktu berritzaileak merkatura hel daitezen azkartu.
Azken urteotan, diabetesaren prebalentzia hazten ari da (Incidence of diabetes mellitus and associated risk factors in the adult population of the Basque Country, Spain. Scientific Reports 2021). Era berean, diabetesa gaixotasun kardiobaskularren eta beste gaixotasun kroniko batzuen garapenerako eta larriagotzerako arrisku-faktorea da.
Eusko Jaurlaritza Patia Diabetes enpresan sartzea Euskadiko industriaren sustapenarekin eta ekonomiako sektore gakoetako lidergoaren bokazioarekin duen konpromisoaren adibide argia da. Egoitza Euskadin duen enpresa bioteknologikoak ospea du maila nazional eta nazioartekoan diabetesaren arloan puntako teknologiak garatzegatik.
Garrantzitsua da nabarmentzea Patia Diabetesek garatzen dituen produktuak arrakastaz merkaturatzen direla dagoeneko munduko beste lekuetan, eta Estatu Batuak dira merkatu nagusia. Herrialdeko aseguru-enpresa nagusiek ordaintzen dituzte dagoeneko, eta horrek 2 motako diabetesaren prebentziorako eta tratamendurako duten eraginkortasuna eta kalitatea frogatzen du. Nazioarteko arrakasta hori dela eta, Patia Diabetes erreferentziazko enpresa da sektorean eta oinarri sendoa eskaintzen du mundu osoan zabaltzeko.
Eusko Jaurlaritzaren eta Patia Diabetesen arteko lankidetzak sinergia adierazgarriak sortuko ditu, eta ezagutzak transferitzea, berrikuntza sustatzea eta bioteknologiaren arloan kualifikatutako enplegua sortzea ekarriko du. Halaber, diabetesaren tratamenduetarako aurrerapen zientifiko eta teknologikoari ekarpena egingo dio. Gaixotasun kroniko horrek gero eta pertsona gehiagori eragiten die.
Eusko Jaurlaritzak nabarmendu du bioteknologian inbertitzeak duen garrantzia, hazkunde ekonomikorako eta garapen jasangarrirako palanka gisa. Patia Diabetesek egindako apustuak agerian uzten du talentuan dagoen konfiantza eta Euskadiko enpresen indar berritzailea, baita erakundeek transferentzia teknologikoa eta nazioarteko lehiakortasuna sustatzeko duten konpromisoa ere.
Eusko Jaurlaritzak Patia Diabetesekin lanean jarraituko du, ikertzeko gaitasuna indartzeko laguntza eta baliabideak emanez, baita merkatu nazional eta internazionaletan zabaltzea sustatuz ere. Aliantza estrategiko hori Euskadiko bioteknologiaren mugarria da eta Euskadik pertsonen bizi-kalitatea hobetzeko irtenbide berritzaileen ikerketan eta garapenean erreferente izaten jarraitzeko posizioa indartzen du.
Patia Diabetesi buruz:
Patia Diabetes diabetesaren prebentziorako, diagnostikorako eta tratamendurako irtenbide bioteknologikoak garatzeko enpresa bioteknologiko liderra da. Euskadin du egoitza, eta diabetesa duten pertsonen bizi-kalitatea hobetzeko produktu berritzaileen ikerketan eta garapenean oinarritzen da. Patia Diabetesi buruzko informazio gehiago lortzeko, bisitatu www.patiadiabetes.com
Euskadiko Arrisku Kapitalaren Kudeaketa, SGEICri buruz
Euskadiko Arrisku Kapitalaren Kudeaketa Eusko Jaurlaritzak 1985ean SPRIren bitartez sortu zuen arrisku kapitalaren erakundeak kudeatzen dituen sozietatea da. Euskadiko industria-ehundura sustatu eta dinamizatzeko sortu zuten, Euskadiko enpresen kapitalean aldi baterako parte hartuz. Osagarri berritzaile handia duten ekintzailetzarako proiektuetan, Europako RiS3 estrategiekin bat egiten duten proiektuetan eta Euskadiko enpresen nazioartekotzea, hazkundea eta berrikuntza sustatzen duten proiektuetan inbertitu du bereziki.
Talde Private Equityri buruz
Talde kapital pribatuaren kudeaketarako talde pribatu aitzindaria da Espainian, eta 370 euro baino gehiago ditu kudeaketaren pean hainbat ibilgailutan.
1976an sortu zuten eta 160 inbertsio-proiektu baino gehiagotan hartu du parte. Proiektu horiek hasierako etapetan zein indartze eta hedapen faseetan babestu dituzte, hainbat jarduera-sektoretan (industriakoak, zerbitzuak, aeronautika, automobilgintza, osasuna, teknologia…).
Lotutako albisteak
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Haizea Wind Groupek bere hazkundea sendotu du, 2024an 371 milioiko salmentekin eta 18 milioiko irabaziekin
Haizea Wind Groupek, gainera, 2025ean hazkundea sendotzea aurreikusten du, kontratatutako eskaera zorroari esker
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
Eusko Jaurlaritzak Euskal Finantza Aliantza sustatuko du, lankidetza publiko-pribatuak 4.000 milioi mobiliza ditzan Euskadiren eraldaketa ekonomiko eta industrialerako
Lehendakaria buru dela egin da, Bilbon, Eusko Jaurlaritzak eta bederatzi toki-erakundek “funtsak, tresnak eta finantza-ahalmenak batzeko” protokoloaren sinadura-ekitaldia. Finantzen Euskal Institutuarentzako 1.000 M€-ko zuzkidurarekin hasten da, haren inbertsio-ahalmena indartu dadin