Eusko Jaurlaritzak 3,5 milioi euro bideratu ditu aurten krisian dauden enpresei laguntzeko

Eusko Jaurlaritzak 3,5 milioi euro bideratu ditu aurten krisian dauden enpresei laguntzeko Bideratu Berria programaren bidez. Ekimena zabalik dago, eta milioi bat eurorainoko eta berregituratze-planaren kostuaren % 50erainoko finantzaketa ematen du.

Programa honen bidez sendotzen laguntzen zaie krisiak kolpatutako konpainiei euren jarduerak berrantolatuz, helburua baita errentagarri izan daitezela. Gainera, jarduera defizitarioen azterketa egiten zaie, birformulatu, murriztu edo baztertu egin behar diren erabakitzeko.

Hala, krisian dauden enpresen planetan jasotako industria eta finantza arloko berregituratze- eta berrabiarazte-neurriak sustatzen dira, zeintzuek helburutzat izango baitute enpresa horien bideragarritasuna berreskuratzea epe ertain eta luzera.

Programa honen helburu nagusia da ez dadila desagertu euskal enpresa bat bera ere edo ez dakiola kalterik egin bere lehiakortasunari, honelako ekimenik ez egoteagatik. Egungo atzeraldiaren testuinguruan, iragan hurbilean ez bezala, finantzaketa lehiakortasun faktore erabakigarri bilakatu da. Batez ere ETEek, euren osasun ekonomikoa gorabehera, zailtasun handiak dituzte euren operatiba nahiz hazkunde- eta inbertsio-planak finantzatzeko. Asmoa da finantzaketa eskaintzea proiektu bideragarriei, biziraun dezaten eta sendotu daitezen.

Programa honen onuradun izan daitezke baldintza hauek betetzen dituzten enpresa handiak eta ETEak: erauzketa, ekoizpen eta eraldaketa arloetako eta produktu-prozesu industrialari lotutako zerbitzuetako industri arlokoak izatea, eta laguntzaren xede izango diren inbertsioak Euskadin egotea.

Finantzatuko diren planek xeheki azaldu behar dituzte aplikatuko diren neurriak, eta enpresako akziodunen inbertsio arloko konpromisoak ere jaso behar dituzte.