Eusko Jaurlaritzak 500.000 eurorainoko itzuli beharrik gabeko dirulaguntzak eskaintzen ditu enpresei hazten laguntzeko

Eusko Jaurlaritzak 500.000 eurorainoko itzuli beharrik gabeko dirulaguntzak eskaintzen ditu enpresei hazten eta indartzen laguntzeko. Bateratu programak hiru milioi euroko aurrekontua izango du aurten, eta dagoeneko zabalik dago eskaerak aurkezteko epea. Programa zuzentzen zaie bai hazteko eta indartzeko bat-egite edota xurgatze planak abian jarri nahi dituzten konpainiei, bai produkzio arloko inbertsioak egin nahi dituztenei.

Globalizazioak eta informazio teknologien iraultzak berekin ekarri dute merkatuak zabaltzea eta merkataritza-gastuak murriztea, eta, ondorioz, hainbat sektore ekonomiko berregituratu egin behar izan dira. Bat-egiteak eta erosketak dira enpresek dituzten tresna nagusietako batzuk egin beharreko egitura aldaketa egiteko eta tamainaz handitzeko albait azkarren. Horrelako operazioak aukera bikaina dira eskalako ekonomietara iristeko eta enpresa baten berritzeko gaitasuna handitzeko.

Laguntza-ildo horren bidez, Eusko Jaurlaritzak laguntza eman nahi die hazteko, produktibitatea eta lehiakortasuna hobetzeko, enplegua bermatzeko eta merkatuetan duten egoera sendotzeko ekintzak egiten dituzten enpresei.

Dirulaguntzak bereziki bideratuko dira aholkularitza- eta notaritza-gastuetara eta sortuko liratekeen produkzio-inbertsioetara. Programa honen laguntzak jaso nahi dituzten enpresa handi eta ETEak erauzketa, ekoizpen eta eraldaketa arloetako eta produktu-prozesu industrialari lotutako zerbitzuetako industri arlokoak izan behar dira, eta laguntza jasotzen duten inbertsioek Euskadin kokatuta egon behar dute.

Laguntzak gastuen % 15erainokoak izango dira, eta inbertsioak, berriz, % 10erainokoak enpresa handientzat eta % 15erainokoak ETEentzat.

Lotutako albisteak

24 ekaina, 2024 Enpresen berrabiarazpena

Bideratu Berria programak 600.000 euro bideratuko ditu Euskadin krisian dauden enpresak berregituratu eta bultzatzeko

Irakurri gehiago

12 ekaina, 2024 Berrikuntza

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

Irakurri gehiago

6 ekaina, 2024 Basque Trade & Investment

Eusko Jaurlaritzak euskal enpresei lagundu die BIEMHn, SPRI taldearen bitartez

Irakurri gehiago

30 maiatza, 2024 Ekintzailetza

Zetrack E-Farming, nekazaritzara makineria jasangarriagoa eta autonomoagoa eramatea helburu duen startupa

Irakurri gehiago

17 maiatza, 2024 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Irakurri gehiago

Joan blog-era