Eusko Jaurlaritzak 52 milioi euro bideratuko ditu Bilakatu COVID-19 programara
- Covid-19k kaltetutako enpresentzako laguntzak dira, dibertsifikazio eta/edo birkokatze jarduerak egiten badituzte eta gaitasun berriak garatzen badituzte negozio, produktu, zerbitzu eta merkatu lerroetan
- Eskaerak aurkezteko epea ireki zenetik, 20 egunetan bakarrik, 117 eskabide jaso dira
Gobernu Kontseiluak oniritzia eman du BILAKATU COVID-19 programarako aurrekontuari beste 27 milioi euro gehitzeko. Diru-laguntzak enpresaren jarduera dibertsifikatzeko eta/edo birkokatzeko negozio, produktu, zerbitzu eta merkatu lerroetan gaitasun berriak garatzen dituzten enpresei zuzenduta daude. Diru hori 2022ko martxoaren 2ko aginduan jasotako eta hasieran aurreikusitako 25 milioiko kontu-sailari batuko zaio, eta guztira, beraz, 52 milioi euro izango dira.
Ekonomiaren Garapen, Jasangarritasun eta Ingurumen Saileko Industriaren eta Energia Trantsizioaren Zuzendaritzak, laguntza horiek izapidetzen dituenak, martxoan, deialdia ireki zenetik 20 egun baino igaro ez zirenean, egiaztatu zuen eskaera-kopuru handia (117) jaso zela eta aurkeztutako inbertsioa 458 milioi eurokoa zela –estimazioak 49,3 milioi euroko laguntza sortuko zuen–. Sailak programara hasiera batean izendatutako kopurua 25 milioikoa zenez, ikusi zen kontu-saila igo egin beharko zela ahalik eta eskabide gehienei erantzun ahal izateko.
Bestalde, Ukrainaren inbasioaren ekonomian eta gizartean dituen ondorioak ikusita, Eusko Jaurlaritzak apirilaren 12an 158 milioi euroko neurri-multzo bat onartu zuen ekonomia dinamizatzeko, enpleguari eusteko eta pertsona eta familia zaurgarrienei laguntzeko eta, era horretara, gerra horren ondorioei aurre egiteko. Neurri horietako bat ekonomiari laguntzeko funtsa da: 142,9 milioi euro izango ditu eta enpresei eta enpresa txiki eta ertainei zuzendutako laguntza osagarriak finantzatzeko izango da, eta, besteak beste, Bilakatu programa Ekonomiaren Garapen, Jasangarritasun eta Ingurumen Sailaren jardueretara zabaltzeko beste 27 milioi euro izango dira.
Kopuru horixe da hasieran aurreikusitakoari gehituko zaiona, eta Eusko Jaurlaritzak, beraz, guztira 52 milioi euro bideratuko ditu programa horren bidez industria-arloko gaitasun berriak dibertsifikatzeko eta birkokatzeko inbertsioak gauzatzea sustatzera, hazkuntza jasangarria lortzeko eta horrek balio erantsia izan eta euskal enpresek merkatuetan duten lehiakortasuna hobetzeko.
Lotutako albisteak
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua
Euskal enpresak dagoeneko has daitezke tramitatzen Gauzatu Industria, Indartu eta Deskarbonizazio Industriala programetako laguntzak
Aurre-eskaera aurkeztuz gero, diruz laguntzeko moduko inbertsiotzat hartu ahal izango dira programa bakoitzaren deialdia baino lehen hasitako inbertsioak.