Eusko Jaurlaritzak 586,7 milioi euroko lehen neurri sorta onartu du
Lehendakariak jakinarazi duenez, Gobernu Kontseiluak 586,7 milioi euroko lehen neurri sorta bat onartu du enpresentzat.
Joan den asteartean Gobernu Kontseiluak 1.025 milioi euroko funtsa onartu zuen. Koronabirusaren krisiak osasunean, gizartean eta ekonomian eragindako ondorioei aurre egiteko Espainiako Gobernuak hartutako neurrien osagarri den talka-plana da.
586 milioi euro bideratzen ditugu enpresa txiki eta ertainetara eta autonomoetara, honako jarduketa hauekin:
– Autonomoentzako laguntzak Lanbideren bidez, autonomoek beren gain hartu behar dituzten kotizazioak eta alokairuak ordaintzeko, negozioak ixteagatiko galeren konpentsazio gisa;
– Tokiko elikagai-ekoizpen txikia babestea. Hotelak, jatetxeak eta kafetegiak ixtearen ondorioz elikagaiak ekoizten dituzten enpresa txikiak bizitzen ari diren larrialdi egoera arintzea da helburua. Laguntza, bereziki, produktu galkorren soberakinak erosteko erabiliko da;
– Zailtasunak dituzten enpresei laguntzea Bideratu Programaren bidez, lehiakorrak izanik, aparteko eta eremu globaleko krisi-egoera baten ondorioak pairatzen dituzten enpresak berregituratu eta bultzatzeko;
– I+G+B proiektuetarako zuzeneko laguntzak, Teknologia eta Ikerketaren Euskal Sarearen bidez, ikerketa egiten duten enpresei edo prototipoak garatu eta prebentziorako osasun-materiala ekoizten duten Lanbide Heziketako zentroei laguntzeko;
– 25 milioi euroko likidezia-lerroa, zero kostukoa, Finantzen Euskal Institutuaren bidez; euskal produkzio-ehunari beharrezko likidezia errazteko, bereziki mikroETEei, ETEei eta autonomoei.
– Zirkulatzaile-lerro berria, 500 milioi eurokoa, euskal enpresentzat; Euskal Autonomia Erkidegoaren abalak dituena, zero kostutan, eta bost urtera, gabealdi batekin. Linea hori datorren astean formalizatuko da Elkargirekin eta Euskadin jarduera duten banku-erakundeekin;
– Baldintzak malgutzea, birfinantzatzea eta egokitzea aurrerakin itzulgarrietan, maileguetan edo abaletan, Gauzatu, Bideratu edo Indartu programetan; eta
– Covid 19 Funtsean aurreikusitakoaz gain, Gobernu Kontseiluak 18,4 milioi euro onartu ditu, premiazko izaeraz, enpresa txiki eta ertainetan teknologia eta telelana doitzeko; material teknologikoa erosteko laguntzak; industriako programen kredituak itzultzea; parke teknologikoetan edo industrialdeetan alokairuak atzeratzea; industriako eta elikaduraren sektoreko ETEei zeharkako finantzaketa ematea; Enpresak berregituratzeko eta bultzatzeko
Gehien behar duenari laguntzeko, jarduerari eusteko eta adituek “koma ekonomiko” deitzen dutena saihesteko neurriak dira.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua