Eusko Jaurlaritzak itzuli beharrik gabeko dirulaguntzak eskaintzen ditu birfinantzaketa-proiektuak gauzatzeko enpresetan

Eusko Jaurlaritzak 30.000 eurorainoko itzuli beharrik gabeko dirulaguntzak eskaintzen ditu aurten enpresa bakoitzeko, baldin enpresa bere zorra birfinantzatu beharrean badago Covid-19ak sortutako testuinguru makroekonomiko konplexua eta Ukrainiaren inbasioa direla medio.   Lortu programak euskal industria-sarea babestea du helburu, eta milioi erdiko aurrekontu-zuzkidura dauka.  SPRI Taldeak kudeatuko ditu laguntza hauek eta eskaerak aurkezteko epea datorren asteazkenean zabalduko da urriaren 27ra arte.

Arazoak dituzten zenbait enpresaren jarraipena bermatzeko beharrezkoa da berregituratze-prozesuak egitea, eta enpresa horietako gehienak erortzetik salbatu dira gai izan direlako euren aktiboa berregituratzeko eta euren zorra birfinantzatzeko. Berregituratze-prozesu bat egiteko zorra birfinantzatu beharra dago, baina prozesu horrek baita ere eska lezake aktiboak eta/edo alderdi operatiboa berregituratzea.

Horregatik, Lortu programak dirulaguntzak ematen ditu kanpoko profesionalak kontratatzeko. Profesional horiek abiapuntuko egoeraren diagnostikoa eta negozioaren bideragarritasuna errazteko ekintza-plana egiten laguntzen dute eta, hala badagokio, finantza-pasiboaren birfinantzaketa ahalbidetzen dute prozesuan inplikatutako hartzekodun guztiekin.

Dirulaguntzek gastu hautagarrien %80 estaltzen dute eta 30.000 eurorainoko laguntza eman daiteke enpresako. Laguntza de minimis araudiaren menpe dago.

2021eko edizioan programak 784.290€-ko aurrekontua izan zuen eta 26 proiektu aurkeztu ziren, horietatik 22 onartu ziren eta guztira 421.490€-ko laguntza jaso zuten.

Lotutako albisteak

24 ekaina, 2024 Enpresen berrabiarazpena

Bideratu Berria programak 600.000 euro bideratuko ditu Euskadin krisian dauden enpresak berregituratu eta bultzatzeko

Irakurri gehiago

12 ekaina, 2024 Berrikuntza

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

Irakurri gehiago

6 ekaina, 2024 Basque Trade & Investment

Eusko Jaurlaritzak euskal enpresei lagundu die BIEMHn, SPRI taldearen bitartez

Irakurri gehiago

30 maiatza, 2024 Ekintzailetza

Zetrack E-Farming, nekazaritzara makineria jasangarriagoa eta autonomoagoa eramatea helburu duen startupa

Irakurri gehiago

17 maiatza, 2024 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Irakurri gehiago

Joan blog-era