Goi-teknologiako bederatzi enpresa berri eratu dira Basque Tek Ventures egitasmoari esker
Azken bi urteotan, bederatzi enpresa berri eratu dira SPRI Taldearen (Eusko Jaurlaritzaren enpresa-agentzia) Basque Tek Ventures ekimenari esker.Ekimen berri bat da, oinarri teknologikoko enpresa berriak (deeptech) sortzen laguntzeko. Enpresa berri horiek Basque Research & Technology Alliance (BRTA) elkarteari atxikitako zentroen teknologietan oinarrituta daude
2023 eta 2024 artean, enpresa arloko 36 proiektu aurkeztu dira (urte horietako bakoitzean, 21 eta 15, hurrenez hurren) eta guztira zortzi enpresa berri eratu dira. Euskadiko Arrisku Kapitalaren Kudeaketarako Sozietateak kudeatutako BasketekVenture, FCR, funtsaren bidez, Basque Tek Venturesek, zazpi enpresatan inbertitu du eta, aurtengo lehen zortzi hilabeteetan, enpresa kopuru hori beste lau enpresarekin handitzea aurrez ikusi du.
Goi mailako teknologian oinarritutako proiektuek (Deeptech deitzen zaie) inpaktu eta produkzio mailako eraldaketa handiagoak sortzen dituzte honako hauei dagokienez: enplegua sortzea, fakturazioa, nazioartekotzea, inbertsioa erakartzea eta finantzaketa. Hala ere, proiektuek zailtasun handiagoak dituzte zehazteko, merkaturatzeko eta egonkortzeko, eta hautemandako arrisku altua. Arrazoi horiek zaildu egiten dute finantzaketa lortzea eta talentua erakartzea.
Horren ondorioz sortu zen Basque Tek Ventures. Egitasmoak inpaktu positiboa du oinarri teknologikoko startup berriak sortzeko prozesuan eragina duten faktore kritiko nagusietan. Hala, I+G arloko eragileek eta Euskadiko ekintzailetza-ekosistemak egiten duten lana osatu eta indartzen du.
Basque Tek Ventures transferentzia teknologikoko proiektuen eraikitzailea edo “Venture Builder”a da, eta Eusko Jaurlaritzak eta SPRIk zuzentzen dute BRTArekin, Euskadiko Arrisku Kapitalaren Kudeaketarako Sozietatearekin eta BICekin elkarlanean, inpaktu handiko startupak eraikitzeko prozesua sustatzeko eta laguntzeko.
Egitasmoak potentzialik handiena duten aktibo teknologikoak identifikatu eta lehenesten ditu, errendimendu handiko taldeak sortzea bultzatzen du eta enpresa martxan jartzeko eta merkatura sartzeko prozesuan laguntza ematen du.
Basque Tek Venturesek I+G arloko eragileek eta ekintzailetza-ekosistemak egiten duten lana osatzea eta indartzea du helburu, oinarri teknologikoko enpresa berriak sortzeko prozesuaren alderdi kritikoak azpimarratuta.
Ekimen honen helburua da etorkizun handieneko teknologien merkaturatzea eta enpresa-sare berria sortzeko prozesua bizkortzea startup teknologiko berriak sortzeko eta bizkortzeko tutoretzapeko ibilbidearen bidez.
Horretarako, batetik, BRTA aliantzari atxikitako zentroetako ikerketa-taldeekin lan egiten da, aktibo teknologikoei balioa emateko, aukerak kualifikatzeko, talentua erakartzeko eta oinarri teknologikoko enpresa berriak sortzeko oinarri gisa negozio-kasuak eraikitzeko. Eta bestetik, BICekin eta ekintzailetzaren eta inbertsioaren ekosistemako eragileekin batera egiten du lan beharrezko finantzaketa emateko eta enpresa horien garapena bizkortzeko.
Ekimenak era horretako proiektuen beharretara egokitutako inbertsio-tresna berri bat du: Euskadiko Arrisku Kapitalaren Kudeaketarako Sozietateak kudeatutako transferentzia teknologikorako funts berri bat, enpresa berrietan inbertitu eta parte hartzen duena, eta “heriotzaren harana” deritzona zeharkatzeko beharrezko finantzaketa ematen duena. Hain zuzen ere, enpresa hasiberrientzako arrisku eta ziurgabetasun handiko aldia izaten da hori.
Lotutako albisteak
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Haizea Wind Groupek bere hazkundea sendotu du, 2024an 371 milioiko salmentekin eta 18 milioiko irabaziekin
Haizea Wind Groupek, gainera, 2025ean hazkundea sendotzea aurreikusten du, kontratatutako eskaera zorroari esker
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"