Industria inbertsioari finantza laguntza emateko ministerioaren deialdia uztailean zabalduko da

Ministerioak 800.000 eurorainoko laguntzak onartuko ditu industria sektorean 4.0 ekipo eta teknologia berriak erosten dituzten enpresentzat, eta gogorarazi du indarrean jarraitzen duela Covid-arekin lotutako materialen fabrikazioaren inguruko deialdiak.

Industriaren eta Enpresa Txiki eta Ertainaren Zuzendaritza Nagusiak enpresei mailegu itzulgarriak emateko enpresentzako laguntza programa bat onartu du. Laguntza horien helburua izango da inbertsio berriak bultzatzea industria sektorearen lehiakortasuna hobetzeko.  Bestalde, ministerioak gogoratu du baduela zabalik beste laguntza deialdi bat laguntasuna emateko gailu medikoak, babes pertsonaleko ekipoak eta Gobernuak Covid-19aren larrialdi egoeragatik beharrezkotzat jotzen dituen bestelako produktuak fabrikatzeko inbertsioak egiten dituzten erakundeei.

Onuradun bakoitzak 800.000 eurorainoko laguntzak lor ditzake, eta posible izango du inbertsioak egitea produkzio-lineak hobetzeko ekipoak erosiz, edo 4.0 Industriako teknologiak txertatzea aktibo finko materialak erosiz. Kasu bietako bakoitzean aurkeztu beharreko memoriaren ereduak eskaintzen dira.

Eskaerak aurkezteko epea abuztuaren 6an amaitzen da. Laguntzak lehiaketa bidez esleituko dira eta maileguak itzulgarriak eta interesdunak izango dira. Interes-tasak desberdinak izango dira enpresa onuraduna enpresa handi bat bada ala ETE bat bada. Enpresa handientzat %0,19koa da lehen urterako, %0,69koa bi eta hirugarren urteetarako eta %1,69koa lau, bost eta seigarren urteetarako. ETEen kasuan, interes-tasa %0,1ekoa da lehen urterako, %0,19koa bi eta hirugarren urteetarako, eta %0,69koa lau, bost eta seigarren urteetarako. Amortizazioa sei urterakoa izango da, hiru urteko gabealdiarekin.

Kasu guztietan, emango den finantzaketa izango da Administrazioak finantzagarritzat jotako aurrekontuaren %75a. Enpresak Industria, Merkataritza eta Turismo Ministerioaren menpeko DGIPYMErekin (Industriaren eta Enpresa Txiki eta Ertainaren Zuzendaritza Nagusia) metatutako kreditu-arriskuak ere mugatuko du finantzaketa.

Maileguarentzat ezarritako 800.000 euroko gehieneko kopuruaz gain, badira beste muga batzuk ere: enpresaren aurreko urteko negozio-bolumenaren %25a edo onuradunaren urteko soldaten kostuaren bikoitza. Halaber, emandako maileguaren %20ko bermeak eskatuko dira.

Lotutako albisteak

24 ekaina, 2024 Enpresen berrabiarazpena

Bideratu Berria programak 600.000 euro bideratuko ditu Euskadin krisian dauden enpresak berregituratu eta bultzatzeko

Irakurri gehiago

12 ekaina, 2024 Berrikuntza

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

Irakurri gehiago

6 ekaina, 2024 Basque Trade & Investment

Eusko Jaurlaritzak euskal enpresei lagundu die BIEMHn, SPRI taldearen bitartez

Irakurri gehiago

30 maiatza, 2024 Ekintzailetza

Zetrack E-Farming, nekazaritzara makineria jasangarriagoa eta autonomoagoa eramatea helburu duen startupa

Irakurri gehiago

17 maiatza, 2024 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Irakurri gehiago

Joan blog-era