Industria Ministerioak atzerapenak eta luzapenak eskaini ditu Reindus programan

SPRI Taldearen kolaborazioarekin iragan 20 urtean martxan dagoen  ekimen horrek helburutzat dauka enpresen berrindustrializazioa eta lehiakortasuna bultzatzea

Koronabirusak eragindako krisia dela eta, Industria Ministerioak hainbat atzerapen eta luzapen ezarri ditu Reindus programaren laguntzak eskatzeko. Programa hori Gobernu Zentralak bultzatzen du SPRI Taldearen (Enpresen Garapenerako Euskal Agentziaren) laguntzarekin. Ekimen hori baliatuz, euskal enpresek 400 milioi euroko maileguak eskuratu ditzakete euren proiektuentzat.

Reindus programaren helburua da berrindustrializazioa eta lehiakortasuna bultzatzea, eta 20 urte baino gehiagoko esperientzia du dagoeneko. Maileguak manufaktura sektorera zuzenduta daude, eta enpresa handi zein txikiek eska ditzakete. Finantzaketa jaso dezaketen proiektuak dira: proiektu industrialak, produkzio-ildoak lekuz aldatu eta hobetzeko proiektuak, eta 4.0 industria ezartzekoak.

Une honetan, ebazteke dago 2019ko deialdia, eta baita ere beste bat, manufaktura sektoreko I+G+B-ri laguntzera bideratua dagoena. Kasu horietan, Ministerioak finkatu du bermeak aurkez daitezela deialdia ebatzi ondoren eta mailegua ordaindu aurretik. Gainera, berme horiek eratzeko epea datorren azarora arte luzatu da. Horri esker, espediente bakoitzari tratamendu indibidualizatua eman ahal izango zaio eta, horrela, posible izango da ordainketa tramitatzea bermea eratzen den unean, gainerako guztiak eratzeko zain egon beharrik gabe, orain arte bezala.

Justifikazio faseko mailegu-eskaerei dagokienez, ezohiko luzapenak eskatu ahal izango dira inbertsioak exekutatzeko (eta justifikatzeko), Covid-19 birusak proiektuan eragina duen denborarako.    Era berean, espedienteak ikuskatzen direnean justifikatzen bada globalki bete direla konprometitutako helburuak, eta gutxienez %80ko zertifikazio-zifra lortzen bada, ez da emango ebazpenik ordainketa zatiz itzultzeko exekutatu gabeko portzentajeagatik.

Maileguak itzultzeari dagokionez, koronabirusaren ondorioak jasan dituzten enpresek sei hilabete atzeratu ahal izango dute itzultzeko data, eta gainera zorra birnegoziatu ahal izango dute, amortizazio edota gabezia epeak luzatuz.

Neurri horiek guztiak jasota daude Gobernu Zentralak iragan martxoaren 31n onartutako dekretuan, zeinak premiazko neurri osagarriak ezarri baitzituen arlo sozial eta ekonomikoan Covid-19 birusari aurre egiteko. Zehazki, industrializazioari laguntzeko neurriei buruzko ataleko lehen sekzioan, 38 eta 39 artikuluetan.

2018an, Reindus programak 35 proiektu finantzatu zituen 64,4 milioi eurorekin.

Lotutako albisteak

24 ekaina, 2024 Enpresen berrabiarazpena

Bideratu Berria programak 600.000 euro bideratuko ditu Euskadin krisian dauden enpresak berregituratu eta bultzatzeko

Irakurri gehiago

12 ekaina, 2024 Berrikuntza

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

Irakurri gehiago

6 ekaina, 2024 Basque Trade & Investment

Eusko Jaurlaritzak euskal enpresei lagundu die BIEMHn, SPRI taldearen bitartez

Irakurri gehiago

30 maiatza, 2024 Ekintzailetza

Zetrack E-Farming, nekazaritzara makineria jasangarriagoa eta autonomoagoa eramatea helburu duen startupa

Irakurri gehiago

17 maiatza, 2024 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Irakurri gehiago

Joan blog-era