Iñigo Urkullu lehendakariak 20 milioi euroko Renove programak iragarri ditu
Guztira, 25 milioi euro bideratuko dira energia eraginkortasun, makina-erreminta, 4.0 industria eta ibilgailu-erosketa programetara (azken honek 5 milioi euro zituen esleituak alarma-egoera baino lehen)
Mahai Sozioekonomikoaren bileraren ostean Iñigo Urkullu lehendakariak iragarri du, ibilgailuak erosteko programetara lehendik bideratuta zeuden 5 milioi euroez gain, 20 milioi euroko hainbat Renove programa jarriko direla martxan, “lanean jarraituko dugulako uneko lehentasunei aurre egiteko eta hauxe delako kontsumoa eta inbertsioa sustatzeko garaia, bizirik mantentzeko horrela ekonomiaren eta enpleguaren dinamismoa”, esan du.
Zehazki, lehendakariak programa hauek aipatu ditu:
- Bonu-programa bat merkataritza berraktibatzeko, Foru Aldundiekin batera.
- Renove etxetresna elektrikoak, 2,5 milioi euroko inbertsioarekin, eta Renove leihoak, 2,5 milioiko inbertsioarekin. Biak energia eraginkortasunarekin lotuta.
- Enpresa txiki eta ertainentzako Renove makina-erreminta eta Renove Industria, 5na milioirekin, lehiakortasuna eta digitalizazio industriala hobetzeko.
- Ibilgailuentzako Renove programa, indarrean dagoen deialdiko 5 milioiei beste 5 milioi euro gehitzeko.
Esan du programa horiek familiei eta enpresei lagunduko dietela kontsumoa eta inbertsioa sustatzen, eta helburutzat dutela ez bakarrik ekonomia dinamizatzea, baizik eta baita ere aurrera egitea energia eraginkortasunaren arloan eta ibilgailu parkea berritzea CO2 isuriak murrizteko.
Era berean, Urkulluk adierazi du “osasun larrialditik irteten ari garela eta larrialdi ekonomikoari erantzuten ari garela. Mikro-enpresa, autonomo eta familien egoera arintzeko laguntza-programa eta aurrekontu gehien bideratu duen erkidegoa gara. Eusko Jaurlaritzak martxan jarri du Covid funtsa, 1.550 milioi eurorekin; eta Foru Aldundiek zergen ordainketa atzeratu eta salbuesteko neurriak hartu dituzte. Programa osagarriak ere jarri dituzte martxan: Bizkaia Aurrera; Gipuzkoako suspertze ekonomiko eta sozialeko programa; eta Arabaren suspertze ekonomikorako “A Plana”, atzo bertan aurkeztua.
Orobat aipatu ditu ABEEak, esanez, Alemaniako eredua aplikatzeko eskatzeaz gain, baita ere erreklamatu duela luza dadila ezinbesteko ABEEn iraupena. Adierazi du komeni dela trantsizio arin eta malgu bat eskaintzea ABEE berriei ekonomia eta antolakuntzarekin lotutako arrazoiengatik. “Gaur konpromiso bat proposatzen dut, Mahai honetatik Espainiako Gobernuari eskatzeko zabaldu dezala neurri hori, iraupena luzatuz eta sektore gehiagotara zuzenduz. Espainiako Gobernuak 100.000 milioi euroko laguntzak jasoko ditu Europatik Sure funtsaren bitartez -esan du–. Euskadin programa hori osa dezakegu, horretan ere Alemaniako eredua aplikatuz. Horrek esan nahi du “hiru aldetako ahalegin bat” egin behar dugula Eusko Jaurlaritza, enpresak eta langileak elkar hartuta.
Azkenik, azpimarratu du Jaurlaritza etorkizun ekonomiko bat diseinatzen ari dela enplegua berreskuratu eta finkatzeko, eta esan du ahaldun nagusiekin bildu nahi duela Enplegu eta Suspertze Ekonomikoko Programa berri baten ildo estrategikoak taxutzeko, oinarrizko helburutzat izango duena galdutako enplegua berreskuratzea eta langabezia-tasa %10etik behera jaitsaraztea berriro.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua