Emakumeak dira buru Glualeko zuzendaritza-organoen % 60 baino gehiagotan
Glual enpresaren zuzendaritza-organoen % 60 eta % 80 artean dira emakumeak. Enpresa gipuzkoarra da Glual, sistema hidraulikoen ingeniaritzan eta fabrikazioan espezializatua, eta merkatu horretako liderra. Emakume batek zuzentzen du orain dela bost urtetik, eta 450 langile ditu. 2023an SPRI Taldeak eginiko Emakumeen inpaktua industriako lehiakortasunean azterketan parte hartu zuten ia 500 enpresetako bat da.
Alazne Zabaleta da 1969an Azpeitian sortutako enpresa zuzentzen duen lehen emakumea. Aurrez, taldearen finantza-zuzendaria izan zen, 20 urtez. Harriduraz hartu du SPRIren azterlanean ongien kokatutako enpresetako bat izatea. “Oso barneratuta dugu pertsonak pertsonak direla, neskak zein mutilak izan; eta, balioari edo postuarekin bat etortzeari dagokienez, edozein pertsonak izan behar du hori frogatzeko aukera”, esan du zuzendariak.
Enpresen mundua gizartearen isla dela uste dute. Hori dela eta, ez daude laneko diskriminazio positiboko neurrien alde, baina hezkuntza arloan eragin behar dela uste dute: “Unibertsitatean ikasleen % 70 emakumeak badira, lan-mundua unibertsitateko errealitate horren isla izango da; Lanbide Heziketan (ekoizpen-lantegiek hortik hartzen dituzte langileak) emakumerik ez badago, lan-munduak ezingo du emakumeen presentzia islatu ekoizpen-lantegietan”.
Zabaletak nabarmentzen duenez, industria-sektorean emakumeen presentzia handiagoa izan dadin, hezkuntzan dago erronka. “Haurrak etorkizunean zer izan nahi duten pentsatzen hasten diren garai horretan, neskei eta mutilei esleitzen zaizkien egitekoak hautsi behar dira”. Hori dela eta, zaintza emakumeekin lotzeari utzi behar zaiola nabarmendu du, eta kontziliazio-neurriak sustatu behar direla, gizonek zein emakumeek goza ditzaten.
Zabaleta baikorra da emakumeek industrian duten presentziaren bilakaerari dagokionez. Batetik, Glualeko zuzendaritza-postuen % 60 dira, eta Zuzendaritza Batzordearen % 50 baino gehiago. Gainera, nazioartean duten presentzia handia dela eta, beste errealitate batzuk ezagutzen dituzte, eta modu positiboan baloratzen dute emakumeek Euskadiko industrian izandako bilakaera: “Euskadin garatu ditugun berdintasun-politiken abiadura beste herrialde batzuetako errealitatetik urrun dago. Euskadin naturaltasunez onartzen da industria-sektoreko enpresa baten zuzendaria emakumea izatea, baina, beste herrialde batzuetan, harritu egiten dira zuzendari nagusia eta zuzendari komertziala emakumeak garelako”.
Zuzendari gisa duen posiziotik, Zabaletaren ustez, araudi esparrutik bultzatzen diren neurriez harago, Zuzendaritza Batzordeek berdintasunarekiko duten konpromisoak bultzatzen du emakumeek industrian duten presentzia.
Ziur dago arrakasta-kasuak ezagutzeak beste enpresa batzuk inspira ditzakeela, eta SPRIk erakutsitako azterlanak eta datuek oraindik ere existitzen diren klixe mentalak ezerezteko balio izatea espero du. Ez zaio gustatzen emakume izateagatik CEO gisa agertzerik, baina uste du emakume liderrak erakusten dituzten egitasmoek neskatoei ikusaraz diezaieketela eurak ere izan daitezkeela buruak, edozein arlo edo sektoretan.
Lotutako albisteak
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Genero-berdintasuna euskal industrian: jardunbide egokien txostena
Txotenak 37 orrialdeetan, emakumeak erakartzeko eta atxikitzeko euskal enpresa industrial batzuek (Eika, Glual, Sidenor, Engranajes Juaristi, P4Q, Arania, Fagor Automation eta SVE) garatutako jardunbide egokiak eta estrategiak aztertzen ditu.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.