SPRI Taldeak emakumeari eta industriari buruzko txostena aurkeztu du Madrilen
SPRI Taldeak ostiral honetan aurkeztu du Madrilen emakumeari eta industriari buruzko bere txostena. Horren helburua da sektorean emakumezkoen presentzia handitzea. Enpresen garapenerako euskal agentziako zuzendari laguntzaileak, Cristina Oyónek, Emakumea eta Industria gaiarekin lotuta SPRI Taldea garatzen aritu den lana azaldu du. Horrekin lotuta, urte luzez gaia landu ostean, industrian emakumezkoen presentzia handitzeko funtsezko hiru jarduera esparru identifikatu dituztela adierazi du: sarbidea, garapena eta lidergoa. Oyónek azaldu du etapa horietako bakoitzak oztopo espezifikoak dituela eta modu bereizian landu beharrekoak direla.
Aurkezpena Berrikuntzaren eta Teknologiaren aldeko Emakumeen Sareak (AMIT-MIT) Zientzia, Berrikuntza eta Unibertsitateak Ministerioarekin eta Emakumeen Institutuarekin elkarlanean antolatutako Cotec Fundazioaren “Ellas transfieren, ellas emprenden: Ellas impactan” (Emakumeek transferitzen, ekiten eta inpaktua sortzen dute) jardunaldian egin du. Ekitaldiaren helburua da ekintzailetza eta ezagutzaren transferentzia genero-ikuspegiarekin sustatzea, emakumeen lidergoari eta horrek ekonomian eta gizartean duen inpaktuari balioa emanez.
Cristina Oyónek “Actualidad, evidencias y retos basados en datos” (Gaurkotasuna, ebidentziak eta datuetan oinarritutako erronkak) solasaldian hartu du parte Cotec Fundazioko Jorge Barrerorekin batera. Saioaren hasieran, Barrerok hitz egin du, eta Cotec Fundazioaren txostenetatik ateratako genero-berdintasunari buruzko azkenaldiko zenbait datu partekatu ditu, desberdintasunek irauten dutela agerian uzten dutenak.
SPRIk bultzatutako proiektu garrantzitsuenetako bat genero-berdintasunaren eta industria-lehiakortasunaren arteko loturaren azterketa izan da. Azterlan hori Euskadiko 474 enpresa industrialei eta haiei lotutako zerbitzu-enpresei buruzko datuetan oinarritu da eta, ondoren, Europako 20 herrialdetako 76 enpresaren datuekin balioztatu. Oyonek azaldu duenez, genero-berdintasuna giza eskubideen kontua izateaz gain, enpresen lehiakortasuna eta hazkunde ekonomikoa hobetzeko faktore estrategikoa ere badela erakusteko beharretik sortu zen lana.
Metodologia
Horretarako, SPRIk bi indizetan oinarritutako metodologia garatu du: bat, genero-berdintasunari buruzko indizea (emakumeek eta gizonek erantzukizun maila eta sail desberdinetan duten presentzia ekitatiboa neurtzen du, baita ezarritako kontziliazio- eta berdintasun-neurriak ere), eta bestea, lehiakortasunari buruzkoa (enpresen fakturazioaren, enpleguaren, berrikuntzaren eta nazioartekotzearen bilakaera aztertzen du).
Emaitzek agerian uzten dute berdintasun maila handieneko enpresek lehiakortasuneko adierazle hobeak dituztela, fakturazioari, enpleguari eta berrikuntzari lotutako hazkunde-tasa handiagoekin. Gainera, Oyónek aipatu duenez, azterlanak agerian utzi du genero-berdintasunaren eta berrikuntzaren arteko korrelazio zuzena dagoela, eta nabarmendu du enpresa berritzaileenek egitura ekitatiboagoak, langileen artean emakumeen ehuneko handiagoa, kontziliazio-neurri gehiago eta emakumeen talentua sustatzeko konpromiso handiagoa dituztela.
Ebidentzia horiek kontuan hartuta, SPRI Taldeak azterlanean parte hartu zuten hainbat enpresarekin egin du lan 2024an emakumeek industriara sarbidea, sustapena eta lidergoa izatearekin lotutako jardunbide egokiak identifikatzeko. Laster, txosten batean argitaratuko dira jardunbide horiek. “Berdintasun arloko emaitza onenak izan dituzten enpresak ez dira kasualitatez iritsi horra. Hori beharrean, konpromiso estrategikoa izan dute eta neurri zehatzak aplikatu dituzte”, adierazi du Oyónek.
Elkarrizketaren amaieran, Jorge Barrerok proposamen bat egin du, eta nabarmendu du gaur egun Cotec Fundazioak ez duela genero-berdintasunarekin lotutako gaiak jorratzeko lantalde espezifikorik. Horrekin lotuta, Cristina Oyóni eta SPRI Taldeari proposatu die Fundazioaren barruan esparru horretan ekimen bat gidatzeko aukera aztertzea. Oyónek begi onez ikusi du proposamena eta ideia hori garatzen laguntzeko prest dagoela adierazi du.
Jardunaldi honetan parte hartuta, SPRI Taldeak berretsi egin du genero-ikuspegidun berrikuntzarekin eta emakumeen talentua sustatzearekin duen konpromisoa; izan ere, industria-sarearen etorkizunerako funtsezko ardatza da eta, hemendik aurrera, konpromiso hori zabaldu egingo da Cotec Fundazioarekin itundutako lankidetza berriari esker.
Lotutako albisteak
Emakumeak dira buru Glualeko zuzendaritza-organoen % 60 baino gehiagotan
SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da Azpeitiko enpresa
Amaierako topaketa batekin itxi da B-WOMENIN Globalaren lehenengo edizioa eta helburu berriak zehaztu ditu nazioartekotzean emakumeen lidergoa sustatzeko
30etik gora profesionalek B-WOMENIN Globalaren inpaktuaz gogoeta egin eta hainbat ekintza proposatu dituzte aurrera egiten jarraitzeko
SVE bere zuzendaritza-organoetako genero-berdintasunagatik nabarmentzen da
Arabako Teknologia Parkean dagoen konpainia SPRI Taldeak bultzatutako genero-berdintasuneko jardunbide egokiak identifikaziorako proiektuan parte hartu duten enpresetako bat da.
Engranajes Juaristi enpresa zuzendaritza-organoetako genero-berdintasunagatik nabarmentzen da
Zarauzko konpainia SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da
Orkestrak ohartarazi du pertsona guztien gaitasunak integratu behar direla lehiakortasuna hobetzeko
Txostenaren ondorio nagusia da ez garela aprobetxatzen ari Euskal Autonomia Erkidegoan bizi diren pertsona guztien parte hartzea edo gaitasunak, bereziki, emakumeenak eta atzerritar jatorriko pertsonenak
SPRIk European Manufacturing Conference-ren beste edizio batean hartu du parte
Cristina Oyónek emakumearekin eta lehiakortasunarekin lotuta egiten duen lanaren aurrerapenen berri eman du.
SPRIk hartu du EURADAko, Garapen Agentzien Europako Elkartearen, presidenteordetza bere gain
EURADAk 17 herrialdetako 59 garapen-agentzia biltzen ditu
Emakumeek industriaren lehiakortasunean eta berrikuntzan duten garrantzia defendatuko du SPRIk Porton eta Parman
Cristina Oyónek, Teknologia, Berrikuntza eta Jasangarritasun arloko zuzendariak, gai horri buruzko azterlan baten emaitzaren berri emango du aste honetan eta hurrengoan bi hiri horietan egingo diren ekitaldi banatan
Genero-berdintasunik handiena duten enpresek berrikuntza maila handiagoa izaten dute eta lehiakorragoak dira
SPRIren "Women in Industry" ekimenaren ikerketak erakusten duenez, genero-berdintasunak eragina du enpresen emaitzen hobekuntzan.
SPRIk egindako ikerlan baten arabera, genero-berdintasuneko maila handiena duten enpresak lehiakorragoak dira eta, fakturazioari eta enpleguari dagokienez, emaitza hobeak dituzte
Cristina Oyónek aurkeztu ditu emaitzak Leaders in Tech konferentzian eta “genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere” badela adierazi du