12 proposamen garraio adimenduna eraikitzeko Euskadin

Arabako Teknologi Parkean egingo da "Garraiorako Teknologia Adimendunen Euskadiko ITS Kongresua"

Datorren azaroaren 12an egingo da Euskadiko Mugikortasun eta Logistika Klusterrak antolatutako Garraiorako Teknologia Adimendunen Euskadiko XII. ITS Kongresua. Garraio adimenduneko teknologiei buruzko topaketa honen aurtengo edizioak hainbat gai landuko ditu, besteak beste, autobus adimenduna, aireko taxia eta taxi hori aireko mugikortasunean integratzea, komunikazio eta korridore kooperatiboak, laneko mugikortasun planak, mugikortasun elektrikoa, eTrike-ak, isuri gutxiko eremuak edo bideko segurtasuna.

Euskadin mugikortasunaren testuinguruan garatu diren proiektu berritzaileen esperientzia arrakastatsuak aztertu eta ezagutu ahal izateko, Euskadiko Mugikortasun eta Logistika Klusterrak ekitaldira gonbidatu ditu hainbat konpainia eta erakunde: Gasteizko Udala, Ceit, Gertek, Irizar e-mobility, Batura Mobile, Ciclogreen, Zenialabs, Indra, Repsol, Bizkaiko Foru Aldundia, Tecnalia, Mugikortasun eta Logistika Klusterra, Umiles eta Eusko Jaurlaritzako Trafiko Zuzendaritza.

Kongresua datorren azaroaren 12an egingo da Arabako Teknologi Parkeko auditorioan, goizeko 9:30etik eguerdiko 14:00etara, presentzialki eta online. Parte hartzeko ezinbestekoa da izena ematea. Egitaraua eta izen-emateak hemen

ITS Euskadi Kongresua Euskadiko Mugikortasun eta Logistika Klusterrak antolatzen duen urteroko hitzordu bat da, zeinaren bidez ezagutzera ematen baitira pertsonen eta salgaien mugikortasunari aplikatutako teknologien, sistemen eta konponbideen azken berrikuntzak, mugikortasunaren efizientzia, jasangarritasuna eta segurtasuna hobetzera bideratuta daudenak