18 pertsonak osatzen dute manufaktura-industrian emakumearen presentzia sustatzeko lan egingo duen adituen nazioarteko taldea
Uztailaren 6 eta 8an egingo dira SPRI Taldeak gidatutako Women in Manufacturing aditu taldearen lehen bilerak. Hainbat espezializazio-arlotako eta 13 herrialdetako 18 pertsonak osatzen dute aditu talde hori. Bere helburua da dekalogo bat prestatzea, bertan jasotzeko manufaktura-industrian emakumearen presentzia sustatuko duten jardunbide egokiak. 2020an eginiko diagnostikotik abiatuta, ekintza zehatz batzuk identifikatuko dira emakumearen sarbidea, permanentzia, sustapena eta lidergoa bultzatzeko manufaktura-industrian.
2020an, proiektu horrek pandemiaren inguruko hainbat gai jorratu zituen, esaterako, emakumearen papera pandemian zehar eta pandemiaren ondoren, pandemiak genero-kontuetan izan duen inpaktua eta gizon eta emakumeentzat izan dituen ondorio desberdinak mundu osoko manufaktura-industrian.
Aurten, Women in Manufacturing taldearen lanari hasiera emateko, lehen edizioko White Paper txosteneko ondorioei buruzko laburpen txiki bat egin da eta galdetegi bati erantzun zaio. Galdetegi horrek aukera eman du manufaktura-industrian emakumearen sarbidea, permanentzia, sustapena eta lidergoa bultzatzera bideratutako jardunbide egokien laburpen bat egiteko. Alderdi horiek uztailaren 6 eta 8ko bilera birtualetan jorratuko dira eta bilera horietan jardunbide egokiei buruz eztabaidatuko da, 2021eko White Paper txostena osatuko duten ekimenen dekalogoa osatzeko.
Irailean bigarren bilera birtual bat egingo da, eta hartan hizpide hartuko da White Paper txostenaren azken bertsioa, World Manufacturing Foundation erakundeak argitaratuko duena eta urriaren 20an egingo den World Manufacturing Forum ekitaldian aurkeztuko dena.
Aditu talde horretan elkartzen dira nazioarteko erakunde garrantzitsuetako (Europako Batzordea, UNIDO, IndustriAll, IPAG eta EFFRA,) 5 kide, akademiako 6 ordezkari, enpresa pribatuetako beste 6 eta administrazio publikoko 2 ordezkari.
“Back to the Future: emerging topics for long term resilience in manufacturing” proiektuaren gai nagusietako bat da Women in Manufacturing ekimena, helburutzat duena diziplina anitzeko liburu zuri bat sortzea jardunbide egokienak nabarmentzeko eta etorkizuneko jarduera-ildoen gomendioak eskaintzeko Covid-19aren osteko fabrikazio-paradigman. Proiektuaren ondorioak eta gomendioak World Manufacturing Forum-en hurrengo mundu topaketan aurkeztuko dira Italian, urriaren 20an.
World Manufacturing Foundation (WMF) plataforma ireki bat da eta helburutzat dauka kultura industriala hobetu eta zabaltzea mundu osoan, berdintasun ekonomikoa eta garapen jasangarria bermatzeko tresna bezala. WMF erakundeak berrikuntza eta garapena sustatzen du manufaktura sektorean, oinarrizko helburutzat harturik nazio guztien lehiakortasuna hobetzea manufaktura sektorean funtsezkoak diren eragileen arteko elkarrizketa eta lankidetzaren bitartez.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.