Eraldaketa digitala
Albisteak 8 uztaila, 2019

4.0 Industriako EAEko eta Alemaniako ereduak, gaurko protagonistak Innovation Summit ekitaldian

Portugaleko i4.0 programaren kudeatzaileek erabaki dute euskal eredua eta Industrie 4.0 Platform ekimen alemana esperientzia interesgarriak eta aberasgarriak direla erronkak eta jardunbide egokiak partekatzeko

SPRI Taldeak Basque Industry 4.0 estrategia aurkeztu du Alemaniako Industrie 4.0 Platform-ekin batera

SPRIko Ekimen Estrategikoen arduradun Cristina Oyónek Basque Industry 4.0 estrategia aurkeztu du 4.0 Industriari buruzko nazioarteko ekitaldi batean, non bi aplikazio-eredu aukeratu baitira Europan jarraitu beharreko eredu gisa: euskal eredua eta Alemaniako Industrie 4.0 Platform eredua. Euskal ordezkariak “4.0 Industriako Frontrunner-ak” izeneko saio batean parte hartu du gaur, uztailaren 8an, Porton (Portugal) egin den Innovation Summit ekitaldian.

Portugalek badu i4.0 estrategia nazional bat, zeinaren helburua baita 20.000 enpresa eraldatzea, 200.000 langile birkualifikatzea eta eraldaketa digitaleko 350 proiektu finantzatzea, eta 600 milioi euroko baliabide publiko eta pribatuak bideratuko ditu horretarako 2 urtean.

Hala, Portugaleko i4.0 programaren kudeatzaileek erabaki dute euskal eredua eta Industrie 4.0 Platform ekimen alemana esperientzia interesgarriak eta aberasgarriak direla erronkak eta jardunbide egokiak partekatzeko.

Cristina Oyónekin batera, mahai-inguruan izan dira baita ere Hannover-eko azokako –mundu osoan erreferentziazkoa bihurtu dena 4.0 Industriako puntako teknologien egoera erakusteko- nazioarteko zuzendaria eta automatizazio teknologiak eskaintzen dituen Festo enpresako sare eta berrikuntza estrategikoetako zuzendaria. Enpresa horrek zuzenean parte hartzen du Alemaniako Industrie 4.0 plataforman eta berak aurkeztu du autonomian eta elkarren arteko operagarritasun eta sostengarritasunean oinarritua dagoen plataforma horren 2030erako ikuspegia.

Saio horretan hainbat giltzarri eskaini dira Europak Asiaren eta Estatu Batuen lehiakortasun-maila berean jarraitu dezan, eta argi gelditu da zein garrantzitsua den nazio eta eskualde mailako ekimen guztiak bateratzea Europako estrategia batekin, adibidez, Europako Batzordearen aholkularitza-taldeak (non parte hartu baitu Cristinak) berriki argitaratu duenarekin, zeinaren helburua baita balore sozialekin eta ingurumen sostengarriarekin bateragarri izango den aurrerapen ekonomiko bat lortzea.

 

Lotutako albisteak

Elvira,  berrikuntza  eta  tradizioa  osagai  nagusi  dituen  istorio  gastronomikoa

Elvira, berrikuntza eta tradizioa osagai nagusi dituen istorio gastronomikoa

Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.

Egin  ezazu  prestakuntza-plana  zure  enpresan  Gaitasun  Digitalen  programarekin

Egin ezazu prestakuntza-plana zure enpresan Gaitasun Digitalen programarekin

«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.

%  64  egin  dute  gora  Eusko  Jaurlaritzak  SPRIren  bitartez  antolatutako  IKT  arloko  prestakuntzara  joandakoek

% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek

Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean

Irudi  B2B:  7  urte  marketin  digital  industriala  aztertzen  bere  blogaren  bidez

Irudi B2B: 7 urte marketin digital industriala aztertzen bere blogaren bidez

Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.

Industria  Digitaleko  laguntzek  zure  negozioaren  eraldaketa  digitala  lortzeko  bidea  irekiko  dizute

Industria Digitaleko laguntzek zure negozioaren eraldaketa digitala lortzeko bidea irekiko dizute

Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.