“4.0 piroteknia sostengarrian” oinarritzen du Valecea enpresak bere negozio-eredua
Enpresa arabarrak pirotekniako ikuskizunak diseinatzen eta fabrikatzen ditu 1876tik, eta atzerrian saltzen du bere produktuen %80jero
Valecea Arabako hiru konpainia zaharrenetako bat izango da ziurrenik. Pirotekniako ikuskizunak diseinatzen eta fabrikatzen ditu 1876tik. Une honetan, asmo handiko plan estrategiko bat gauzatzen ari da, zeinaren helburua den bere produktuak nazioartekotzea eta trantsizio bat egitea bere negozio-ereduan, sostengarritasunaren ikuspegi argi batekin igarotzeko artisautza lanetik –bere izatearen muina– 4.0 teknologia geldiezinera. Aitor Valdecantosek (euskal enpresa horretako kudeatzailea eta familiako laugarren belaunaldiko kidea) hizpide hartu ditu sektore berezi honen giltzarriak, zeinetan Valecea lider ukaezin bihurtu baita.
Zein da piroteknia sektorearen erradiografia?
Muturretan mugitzen den sektore bat da. Batzuek piroteknia klasikoa egiten dute eta beste batzuk, berriz, nahiz eta gai garen zerbitzu hori emateko, arrakastaz murgildu gara piroteknia musikalaren munduan, eta hor, harrigarria badirudi ere, presente daude garapen sostengarriko helburuak.
Zein rol jokatzen du Valecea enpresak eszenatoki horretan?
Berritzaileak gara, gure tamaina erraz maneiatzeko modukoa da, eta horrek azkartasuna eta malgutasuna ematen digu. Gauza berezi eta oso handiak egin ditzakegu. Beti erakutsi digute fabrikatzen dena ongi egin beharra dagoela, eta horretarako, ongi jakin behar duzu zertan zabiltzan eta nor zaren. Gogoan izan behar dugu ETE bat garela oso nitxokoa den sektore batean, eta arrain handien ondoan igeri egin arren, arrain handi horiek ez gaituztela jango.
Zergatik ez?
Gai garelako geuk eginiko produktuen berezitasuna eta kalitatea balioan jartzeko gu baino askoz handiagoak diren enpresa multinazionalen aldean. Horixe da gainerakoengandik bereizten gaituena. Horixe da gure lehiakortasunaren nortasun-ikurra.
Zuen plan estrategikoak bi zutabe ditu: nazioartekotzea eta 4.0 teknologia sostengarria. Zein betepen-fasetan daude orain?
Valecea da pirotekniako produktuak osorik fabrikatzen dituen euskal enpresa bakarra, hasi bolboratik eta kandelak, monotiroak edo estalkiak manufakturatzeraino. Produktu horien %80 dozena bat herrialdetara esportatzen dugu, bere garaian erabaki genuelako Europako piroteknia sektoreko aktore garrantzitsu izan nahi genuela eta erreferentziazko fabrika moderno bilakatu nahi genuela.
Eta 4.0 iraultza industrialari dagokionez, nola inplementatuko duzue zuen negozioan eta zergatik?
Artisautzaren filosofiari uko egin gabe (ongi egiten ditugu gauzak, mimo eta arreta handiz), teknologia adimenduna txertatu dugu pixkanaka produkzioaren fase desberdinetan, lan arriskutsuena mekanizatzeko eta su artifizialen fabrikazioak berezkoak dituen arriskuak murrizteko. Horrekin batera, ingurumenean dugun inpaktua murriztu dugu, prozesuaren segurtasuna eta ekosisteman dugun eragina hobetuz. Valecea enpresa jauzi handi bat egiten ari da eta horretarako ezinbestekoa da etengabe inbertitzea.
Esan ohi da zuen sektorean sostengarritasuna izango dela ikuskizun piroteknikoen etorkizuna… Zein zentzutan?
Azken joeren arabera, etorkizunean gero eta su koloretsuagoak izango ditugu eta gero eta zarata gutxiago egingo dute. Dagoeneko hasi gara hori antzematen Europan, batik bat Frantzian, non jaurtitzen diren su guztien %80 inguru ikuskizun piromusikalak baitira. Zentzu horretan, garatzen ari garen produktu guztiak “green” filosofian oinarritzen dira, horixe baita Valecea enpresaren baloreetako bat.
Zeintzuk dira zuen aurreikuspenak ikasturte honetarako?
Fabrikan eginiko apustu estrategikoak eta ikuskizun sostengarrien aldeko apustuak oso harrera ona izan dute. Horri esker, Estatuko jaialdi garrantzitsuenetan parte hartu dugu eta munduko ikuskizun handienen agendan sartu gara.
Lotutako albisteak
Marijo Pagalday (Mondragon Korporazioa): “Gure helburua balio kate osoa hartzen duen 360º digitalizazioa eskaintzea da”
Mondragon Korporazioko Ingeniaritza eta Zerbitzuen saila 9 kooperatiba autonomok osatzen dute, eta elkarrekin koordinatuta daude. Kooperatiba horiek 3.000 lanpostu inguru sortzen dituzte zuzenean, eta 300 milioi euroko fakturazioa dute.
Alex Rayón (Brain & Code): “Teknologia mugikorrekiko eta Adimen Artifizialarekiko elkarbizitza naturalizatu behar dugu”
Hezkuntza teknologiko irisgarria bultzatzen duen enpresako CEOak Digital Open Knowledge DOK jardunaldian parte hartu du. Bertan, eraldaketa digitala eta adimen artifiziala aldaketa-azeleragailu gisari buruz hitz egin du.
Intralogistik: “Industria-sektoreko enpresei laguntzen diegu haien kudeaketa logistikoa eraginkorragoa eta merkeagoa izan dadin”
Bizkaiko aholkularitza-enpresa barne-logistikaren arloko diagnostiko-zerbitzuetan, soluzio diseinuan, simulazioan eta ezarpenean espezializatuta dago.
Runneak bere 10. urteurrena ospatuko du eta Awin Power 100ean aitortua izan da
Elkarrizketa honetan, Jorgek enpresaren mugarririk garrantzitsuenez, aurrez aurre dauden erronkez eta bere hedapena gidatu duten estrategiez hitz egin digu.
NORAi: “Business Intelligence teknologia abantaila lehiakorra da enpresentzat”
Fideslan aholkularitzaren barruan sortutako enpresa donostiarrak datuak aztertzen ditu BI tresnen bidez, erabakiak berehala eta kontrastatuta hartzeko.