4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
‘Industria adimenduna: teknologian oinarritutako erabakiak hartzea’ izenburupean, programa exekutibo honen bidez, Euskadiko trantsizio digitalari erantzun ahal izango zaio, lehiakortasunari bultzada emateko abangoardiako teknologien ezagutza eta datuen analisia jorratuta.
Ingeniaritza, Zientzia eta Teknologiako Unibertsitate Hezkuntzako Klusterrak (4GUNE) eta Basque Research and Technology Alliancek (BRTA) indarrak batu dituzte Euskadiko enpresetan eraldaketa digitala bultzatzeko. Helburu horrekin, ‘Industria adimenduna: teknologian oinarritutako erabakiak hartzea’ prestakuntza-programa diseinatu dute. Programa horren helburua da Euskadin eraldaketa digitalari erantzuna ematen laguntzea.
2024ko maiatzetik ekainera bitarte eskainiko den 40 orduko programa exekutiboa da. Horren helburua da Euskadiko enpresetan gerentziako eta erdi mailako lanpostuak dituzten profesionalei prestakuntza praktiko eta dinamikoa ematea, beren erakundeetan eraldaketa digitala bultzatzen laguntzeko tresnak eskaini ahal izateko. Abangoardiako teknologien ezagutza eta lehiakortasuna bultzatzeko datuen analisia landuko dira, erabakiak hartzea, lidergoa, kudeaketa eraginkorra, baliabideen mobilizazioa eta estrategia ardatz hartuta.
Hala, unibertsitate arteko programa hau beren ezagutzak eguneratu eta gaitasun berriak eskuratu nahi dituzten profesionalei zuzenduta dago. Bertan, era askotako gaiak jorratuko dira: berrikuntza eta enpresen hazkundea bultzatzeko Big Data; Adimen Artifiziala (AA) negozioetan integratzea, prozesuak eraldatuz eta aukera berriak sortuz; eta zibersegurtasuna, mehatxu digitalen aurrean babesten ikasteko.
Ikastaroa irakasteko modua diziplina anitzekoa, zeharkakoa eta aditua izango da, eta Euskal Herriko Unibertsitateko Informatika fakultateak (Donostia), IMHk – Fabrikazio Aurreratuaren eta Digitalaren Campusak (Elgoibar), Deustuko Unibertsitateko Ingeniaritza fakultateak (Bilbo) eta Mondragon Unibertsitateko Goi Mailako Eskola Politeknikoak eskainiko dute.
Gainera, kasu praktikoak eta arrakasta izan duten kasuak aurkezteko, Euskadiko hainbat erakundetako eta BRTAko zentroetako adituek ere hartuko dute parte. Tekniker, Ideko, Vicomtech eta Tecnalia izango dira zentro horiek eta haien egoitzak bisitatzeko aukera egongo da. Hala, industria adimendunaren arloko profesionalen artean elkarlana eta ezagutza trukatu ahal izateko ingurune parte-hartzailea eta multi-lokalizatua eraikiko da.
Programa osoa eta izena emateko formularioa hemen eskura daitezke.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.