5G teknologia ezartzeko laguntzak eskatzeko azken astea
Aste honetan amaitzen da Eusko Jaurlaritzak bultzatutako Enpresentzako 5G Programaren laguntzak eskatzeko epea, 1,7 milioi euroko aurrekontuarekin. Ekimen honen helburua euskal enpresa-sarean 5G teknologiak ezartzeko proiektuak babestea da, ekonomia produktiboaren eta zerbitzuen trantsizio digitalean aurrera egiteko. Laguntza horien helburua da, halaber, ezarpen horiek eredu izatea eta gero eta enpresa gehiagok teknologia horren alde egitea, lehiakortasuna hobetzeko.
Enpresentzako 5G Programak itzuli beharrik gabeko 100.000 eurorainoko diru-laguntzak eskaintzen ditu enpresa eta urte bakoitzeko, eta produktibitatea hobetuko duten 5G teknologietan oinarritutako inbertsioei aurre egiteko laguntza eskaintzen du. Gainera, 5G sareak ezartzeko beharrezkoak diren aholkularitza- eta ingeniaritza-gastuak barne hartzen ditu programak.
Proiektu bakoitzak gastu eta inbertsioen % 75eko diru-laguntza jaso dezake, gehienez 100.000 euro proiektuko. 12 hilabete izango dira ezarpen-inbertsioak egin ahal izateko, baina epe hori bi urtez luzatu ahal izango da, organo kudeatzaileak baimena eman ondoren.
Programa Euskal Autonomia Erkidegoan jarduera-zentro bat duten era guztietako pertsona fisiko eta juridikoei zuzenduta dago, haien jarduera eta enpresaren tamaina kontuan hartu gabe. Enpresentzako 5Ga erabil daiteke, adibidez, 4.0 Industriako teknologiekin lotutako proiektuetan, energia-kontsumoa edo energia-eraginkortasuna hobetzen duten energia- eta ingurumen-trantsizioko proiektuetan, edo trantsizio sozio-sanitarioarekin lotutako proiektuetan.
Laguntzak eskatzeko azken eguna ostirala da, urriaren 22a, 23: 59etan, hain zuzen ere.
SPRI Taldeak euskal enpresentzako finantzaketa-tresnak ditu, haien susperraldia errazteko, balio erantsian zein merkatuetan egiten duten aurrerapen lehiakorra bultzatzeko, eta enpresa-proiektu berriei ekiteko. Bateratu, Gauzatu, Renove Industria 4.0 edo Renove Makineria bezalako finantzaketa programei buruzko informazio gehiago lor dezakezu hemen.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.