Abian da Maker Faire Bilbao ekitaldiaren edizio berria, onlineko egitarau zabalago batekin
Organismo bizidunetan inspiratutako robotak, biomaterialak sortzeko errezetak eta objektu berrerabilietatik abiatutako 3D inprimaketa; horra Maker Faire Bilbao ekitaldiaren 2020ko edizioan ikusgai izango diren berrikuntza batzuk. Sormen Teknologien Nazioarteko Jaialdiak bere 8. edizioa ospatuko du aurten Bilbon, profil oso desberdinetara zuzendutako jarduera egitarau zabal batekin.
Aurtengo azoka online egingo da, eta egitaraua hiru egunetan kontzentratu beharrean, 6 astez luzatuko da, azaroaren 13tik abenduaren 23ra. Topaketaren formatua aldatu bada ere, helburuak berdinak izango dira: erakusleiho bat eskaintzea sortzaile eta asmatzaileentzat, eta teknologiei buruzko ezagutzak partekatzea ikuspegi ludiko batetik.
Jardunaldietan hitzaldiak eta tailerrak eskainiko dira, eta parte-hartzaileek aukera izango dute teknologiek arlo desberdinetan (adimen artifiziala, Gauzen Interneta, biohacking, ekonomia zirkularra, e.a.) eskaintzen dituzten sorkuntzarako aukerak aztertzeko. Onlineko topaketen bidez parte-hartzaileek ezagutzak partekatuko dituzte, elkarrekin uztartuz biologia, artea edo diseinua bezalako diziplinak, beti ere DIY ikuspegitik abiatuz.
Egitarauan badago soft-robotics delakoari buruzko hitzaldi bat (non azalduko den nola diseinatu organismo bizidunen mugimenduak imitatuko dituzten robotak) eta IoT prototipoak etxetik sortzeko ikastaro praktiko bat. Orobat aurkeztuko dira Materiom proiektua (kode irekiko errezetak eskaintzen dituen plataforma bat, aukera ematen duena material biodegradagarriak ekoizteko eguneroko hondakinekin) eta zeramika inprimatua egiteko JetClay proiektua.
Onlineko topaketetan izena emateko epea zabalik dago jaialdiaren web orrian. Open Espazioak antolatzen du Maker Faire Bilbao ekitaldia Beaz, Bilbao Ekintza, Eusko Jaurlaritza, Fecyt Fundazioa eta BBKren laguntzarekin.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu