Adimen Artifizialak zer nolako eragina du mugikortasunean?
Ekainaren 21ean izango da “Impacto de la Inteligencia Artificial en la Movilidad” ikastaroa, Euskadiko Mugikortasun eta Logistika Klusterrak eta Euskal Herriko Unibertsitatearen Udako Ikastaroak Fundazioak antolatuta. Goizean izango da 5 orduko saioa eta teknologia horren alderdien gaineko ikuspegi integrala eskainiko dute, mugikortasunaren sektorean eta bere hainbat arlotan aplikatuta. Ikastaroa aldi berean egin da aurrez aurre zein online. Aurrez aurreko saioa udako ikastaroen egoitzan izango da, Donostiako Miramar Jauregian.
Adimen Artifiziala gure mugitzeko eta garraio-sistemak erabiltzeko modua aldatzen ari da dagoeneko. Automatikoki gidatzea, bideak optimizatzea, trafikoaren kudeaketa edo segurtasuna eta efizientzia. AA mugikortasunaren alderdi guztiak iraultzen ari da. Izatez, erakundeak AA aplikatzeko planak definitzen edo ezartzen ari dira dagoeneko sektore guztietan, prozesuak, efizientzia, barneko zein kanpoko bezeroen esperientzia eta erabakiak hartzeko laguntza hobetzeko.
Ikastaroaren edukia
Adimen Artifizialak mugikortasunaren sektorean duen inpaktua ezagutzeko, ikastaro honek AAren aplikazioak egun duen testuinguruari buruzko ikuspegia eskainiko du, eta epe labur eta ertainerako ikuspegia ere erakutsiko du. Ibilgailu autonomoen ezarpenaren aurrerapen teknologikoak eta erronkak, eta horiek garraio pribatu eta kolektiboan duten inpaktua aztertuko dira. Eta AA trafikoaren eta hiriko mugikortasunaren kudeaketa optimizatzeko nola erabiliko den aztertuko da, azpiegiturak hobetu ahal izateko eta mugikortasunaren efizientziaren eta jasangarritasunaren erronkan aurrera egin ahal izateko. Ikastaroan zehar, zibersegurtasunaren rola ere jorratuko da, mugikortasunean AA ezartzeko ezinbesteko faktorea baita.
Ikastaro honekin, ikuspegi osoa eskaini nahi da, parte-hartzaileek arloan duten ezagutza eguneratzeko eta aukera profesional eta negozio-aukera berriak identifikatzeko. Ceit, Indra, Ineco, Kapsch, Tecnalia eta Vicomtech enpresak eta erakundeak arduratuko dira adituen hitzartzeez. Donostiako Udaleko Mugikortasun sailburuak, Olatz Yarzak, eta Euskadiko Mugikortasun eta Logistika Klusterreko presidenteak, Eduardo Lasak, inauguratuko dute topaketa.
Euskadiko Mugikortasun eta Logistika Klusterra lankidetzan aritzen da urtero Mubilekin eta Euskal Herriko Unibertsitatearekin mugikortasun adimendunari, seguruari, efizienteari eta garbiari buruzko prestakuntza-saio bat eskaintzeko Udako Ikastaroen barruan.
Ikastaroaren datuak:
- Impacto de la Inteligencia Artificial en la Movilidad
- 2024/06/21
- 09:00etatik 14:00etara
- Miramar Jauregia (Donostia) eta online
- Ikastarora joan nahi baduzu, eska ezazu zure akreditazioa Klusterrean.
Ikastaroaren bideo-aurkezpena: https://www.youtube.com/watch?v=TGZueVr1IWA&t=7s
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu