Adimen artifizialeko adituek eta zuzendaritza-karguek adimen artifizialak Europako industrian dituen aplikazioei buruz eztabaidatuko dute Indesia Foroan
Adimen artifizialeko zuzendaritza-kargu eta aditu garrantzitsuenek datorren otsailaren 9an egingo den jardunaldi telematiko batean parte hartuko dute, zeinetan aztertuko diren teknologia horrek Europako industrian dituen aplikazioak. Ekitaldia Indesiak antolatu du, Espainiako hainbat enpresa handik sortutako elkarteak, zeinaren barruan baitago BAIC, 17 erakunde biltzen dituen adimen artifizialeko euskal zentroa.
BAIC iragan uztailean sortu zen eta lankidetza publiko-pribatuko espazio bat da, helburutzat duena Adimen Artifiziala (AA) bultzatzea Euskadin. Funtsean, tresna bat da industriak albait azkarren txerta dezan AA eta, era berean, laborategi bat esperimentaziorako eta munduko erronka teknologiko eta sozial handienetako batean nazioarteko posizionamendua lortzen lagunduko diguten proiektuak azkartzeko.
Hauek dira BAIC sustatu duten erakundeak: CAF, Deusto Seidor, Euskaltel, Gestamp, Hupi Ibérica, Iberdrola, Inzu Group, ITP Aero, Mondragon Korporazioa, Onkologikoak, Petronor, Sener eta Versia. Sustatzaileen artean daude, baita ere, eragile zientifiko-teknologikoak eta prestakuntza zentroak, hala nola Tecnalia, Vicomtech eta Basque Center for Applied Mathematics (BCAM). Lankidetza publikoa SPRI Taldearen eskutik dator Eusko Jaurlaritzako Ekonomi Garapen, Jasangarritasun eta Ingurumen Sailaren izenean.
Datorren otsailaren 9ko jardunaldia Indesia Foroa deitzen da eta Repsol-eko CEO Josu Jon Imazek eta Industria Ministerioko idazkari nagusi Raúl Blancok irekiko dute. Bertan parte hartuko du Herán Asorey-k, Microsoft-eko presidenteorde korporatiboak. Bost mahai-inguru egingo dira eta gai hauek landuko dira: adimen artifizialaren enpresa-aukerak, industrian izan dituen benetako aplikazio kasuak, datu-espazioen garrantzia, teknologia honek ingurumen-jasangarritasunari egiten dion ekarpena eta etorkizuneko enpleguak industrian.
Repsol, Gestamp, Navantia, Técnicas Reunidas, Telefónica, Microsoft, Ferrovial eta Airbus enpresek sortu dute Indesia elkartea. Elkarte horren helburua da hazkunde ekonomikoa sortuko duen ekonomia berri bat garatzea Espainiarentzat, horretarako datuen eta adimen artifizialaren erabilera azkartuz industria arloko enpresa eta ETEetan.
Estatu mailako elkarte bat bada ere, bokazio europarra du eta bere asmoa da enpresak digitalizaziorantz eta data driven kulturarantz bultzatzea. Horregatik diseinatu dute proiektu trakziogile bat datuen eta adimen artifizialaren erabilera eskalatzeko balio-kate osoan, helburu bat definituz parte-hartzaile bakoitzarentzat: enpresa handiak, ETEak, startup-ak, hornitzaile teknologikoak eta erakunde akademikoak.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
40 urte baino gehiago enpresa grafikoei babes digitala eskainiz
Bizkaiko Consultores Asociados enpresak ERP Gestión 21 softwarea eskaintzen du, nazioartean eta Euskadin oso zabalduta dago.
Euskadiko bost erakundek tuneletako eta industria-inguruneetako langileentzako segurtasun-plataforma digital bat garatu dute
Soluzio teknologiko berritzaile bat da, tuneletan eta industria-inguruneetan izaten diren gorabeherak garaiz identifikatzeko pentsatua, eta TECNALIAk garatu du Externalia Solutions, Hierros Abra, Lurpelan eta Abra Seguridad enpresekin batera.