AFM klusterrak fabrikazio aurreratuaren eta makina erremintaren biltzarra egingo du urriaren 23tik 25era bitartean
Ekitaldia Gipuzkoako Zientzia eta Teknologia Parkean antolatuko da eta B2B topaketetarako esparrua eskainiko die sektoreko profesionalei
Gipuzkoako Zientzia eta Teknologia Parkean egingo da urriaren 23tik 25era bitartean Fabrikazio Aurreratuaren eta Makina Erremintaren Biltzarraren XXII. edizioa, herrialdeko topaketa teknologikorik aspaldikoena. Lehenengo edizioa 1976an antolatu zen eta, denboraren poderioz, fabrikazio aurreratu eta digitalaren arloko erreferentziazko topaketa bilakatu da. Biltzarrak hasiera-hasieratik duen abangoardiako ikuspuntu zientifiko teknologikoari, antolatzaileek hainbat gairi buruzko ikuspegi globala gaineratu nahi izan diote ospe handiko enpresa eta hitzaldien eskutik: digitalizazioa, industriarako talentua erakarri eta kudeatzea, fabrikazio aditiboa, ibilgailu elektrikoaren erronkak edota startupen bultzada.
Gainera, aurten, berritasun gisa, sektoreko profesionalen arteko B2B topaketetarako esparrua ezarriko da, lankidetza sustatu eta merkataritza-akordioen sorrera bultzatzeko asmoz.
Edizio honetan, AFM Klusterrak Hegan klusterrarekin duen lankidetza estuaren barruan, Heganek sustatzen duen Aerotrends, Aerospace Business Meetings & New Trends Conference delako biltzarraren edizio berri bat egingo da. Estatuko sektore aeroespazialeko profesionalen artean antolatzen den aldizkako topaketarik handiena bihurtu delarik, biltzar honek Europa osoko eragile aeronautikoen arteko jarduera ekonomikoa bultzatzeko zerbitzua eskainiko du berriz ere.
Topaketa honetan, Berger Group, Siemens, ISG Virtous, HP, GF Precicast Additive, Danobatgroup, Loire Gestamp, CAF, Gonvarri eta Valeo enpresek parte hartuko dute, besteak beste.
Ohikoa denez, urriaren 25ean, biltzarra ixteko ekitaldiaren barruan, lau sari banatuko dira: enpresa batek aurkeztutako lanik onenarena, komunikazio zientifiko-teknikoak aurkeztutako komunikazioarik onenarena, eskola tekniko baten karrera amaierako proiekturik onenarena eta euskaraz aurkeztutako hitzaldirik onenarena.
2017ko urrian antolatutako aurreko edizioan, biltzarrean bildutako 440 partaideek I+G+b arloko 50 hitzaldi eta 20 posterretan baino gehiagotan parte hartzeko aukera izan zuten. Izen-emateak esteka honek bitartez egin daitezke dagoeneko.
AFM Klusterrari buruz
AFM Klusterra da Espainian fabrikazio aurreratuaren interesak ordezkatzen dituen erakundea. Industria arloko lau elkartek osatzen dute eta 450 enpresa baino gehiago biltzen ditu. Denen artean, 12.500 langile enplegatzen dituzte eta 2.500 milioi eurotik gora fakturatzen dute. AFM Klusterrak nazioartekotzea, industriaren garapena, posizionamendu estrategikoa eta bazkide dituen enpresetako langileen gaikuntza sustatzen ditu Donostian duen egoitzatik eta Tianjin hirian (Txina) duen ezarpenaren bidez.
AFM CLUSTERrek elkarrekin erlazionatutako lau sektore sinergiko hauei ematen die zerbitzua: makina erreminta eta fabrikazio aurreratuko teknologiak, fabrikazio aditiboa eta 3D inprimaketa, esku-erremintak, burdingintza eta industria-hornikuntza, eta mekanizazioa eta eraldaketa metalmekanikoa.
AFM Klusterrak, gainera, industriarako zerbitzuak ematen dituzten 64 enpresa partner ditu. Enpresa horiek guztiek osatzen dute Espainiako fabrikazio aurreratu eta digitalaren familia handia.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa