Aplanet-ek ireki egin du ekintza solidario birtualak bultzatzeko bere tresna
Community aplikazioak aukera ematen dio edozein erakunderi jarduerak antolatzeko edo dohaintzak biltzeko
Haurrei eskolak ematea urrunetik, bakarrik bizi diren pertsona nagusiekin harremanetan jartzea, edo etxean oihalezko maskarak fabrikatzea, horiek dira Community plataformatik bultzatu diren ekintza solidario batzuk. Aplikazio hori Aplanet enpresak eskaintzen duen Erantzukizun Sozial Korporatiboaren arloko tresna-sortaren barruan dago, zeina enpresei, instituzio publikoei nahiz erakundeei zuzentzen baitzaie. Covid-19aren ondorioz, startup-ak erabaki du aplikazioa irekitzea, edozein kolektibok erabili ahal izan dezan ekintza sozialak antolatzeko.
Aplanet duela urtebete sortu zen, enpresei eta erakundeei euren ESK estrategiak garatzen laguntzeko. “Merkatuan badaude kudeaketarako hainbat software, baina ESK arloan, askotan, papera, boligrafoa, Excel-a eta posta elektronikoa erabiltzen dira oraindik” dio Cyril Pierre-k, startup-aren sortzaileak, “ohartu ginen asko lagundu genezakeela profesionalei eraginkorrago eta kolaboratiboago izateko aukera ematen dieten tresnak eskainiz”.
Aplanet-ek hainbat tresna eskaintzen ditu finantzazkoak ez diren txostenak estandar globaletan oinarrituta eta erraz egiteko, berdintasun planak garatzeko, eta plan horiek antolakundean duten inpaktuari jarraipena egiteko. Gaur egun bezeroak dauzka -enpresak, udalak, fundazioak nahiz ikastetxeak- Estatuan, Brasilen eta Portugalen.
Community da enpresa gazte honek sortu duen tresnetako bat, eta apropos diseinatuta dago edozein kolektibo eta erakunderentzat errazagoa izan dadin jarduera solidarioak bultzatzea edo dohaintzak biltzea. Tresna horrek badauka kudeaketarako plataforma bat ekintzen antolatzailearentzat, eta baita ere parte-hartzaileek (langileak, ikasleak edo herritarrak) deskargatu dezaketen aplikazio bat. Tresnaren bidez posible da taldeak sortzea zaletasunen, gaitasunen edo kokalekuaren arabera, jardueretan izena ematea eta erabiltzaileen arteko komunikazioa azkartzea. Gainera, hainbat funtzio dauzka datuak aztertzeko eta ekintza bakoitzaren emaitzak eskuratzeko.
“Ikusi genuen tresna hau oso baliagarria izan zitekeela gaur egungo egoeran. Horregatik erabaki dugu irekitzea, edozein kolektibok erabili dezan” azaldu du Cyril Pierre-k, “gurekin harremanetan jartze hutsarekin, kontu bat irekiko dute, funtzionamenduari buruzko informazioa jasoko dute eta erabiltzen hasteko moduan izango dira”.
Lotutako albisteak
Krauserrek mekanizazioaren industriarako ebaketa-tresna pertsonalizatuak eskaintzen ditu
Konpainiak ebaketa baldintza egokietan eta modu berme batean egiteko teknologia garatu du.
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Euskadi herrialde teknologiko eta berritzaile gisa agertu da Mobile World Congress 2025ean
"Innovation Land" lelopean, 16 startup Up!Euskadi berrikuntza-plataforma ordezkari izango dira Euskadiko standean, Spri Taldearen eta Foru Aldundien laguntzarekin