Aplimediak digitalizazio-prozesuan eta barne-kudeaketan laguntzen die ETEei
Aplimedia Bilbon kokatuta dagoen enpresa bat da, softwarearen garapenean aritzen dena. Zehazki, ERP izeneko enpresa-baliabideak planifikatzeko sistema bat garatzen du, enpresa txiki eta ertainei zuzenduta. Zazpi langile ditu enpresak, eta 20 urte baino gehiago daramatza mota guztietako enpresei zerbitzua ematen, kudeaketa-softwarea instalatzen, prestakuntza bermatzen eta mantentze-lanak eskaintzen.
Hasiera batean, Aplimedia mota guztietako programazio-zerbitzuetan aritzen zen. Baina lehenengo kudeaketa-softwarea garatzean, arduradunek merkatu-aukera bat ikusi zuten, ETEek bi faktore baitzituzten ERP zerbitzuak kontratatzeko orduan: oinarrizko sistemak ez dira erabat ETEen beharretara egokitzen, eta sistema egokiak oso garestiak dira.
“Egoera hori ikusita, ETEei eta autonomoei egokitutako ERPa eskaintzea erabaki dugu, adibidez, egurgile baten beharretara egokituz”, nabarmendu du Jon Taramona Aplimediako kudeatzaileak. Hala, 20 urte hauetan, Bizkaiko konpainiak oinarrizko programa berean oinarritutako hainbat sistema garatzea lortu du, eta hainbat sektoretara egokitu da: obrak, garraioa, biltegiak eta lantegiak, gehienak Euskadin.
Ticket Bai ezartzea bultzada handia izan da Aplimediarentzat bezero berriak aurkitzeko orduan. “Enpresa askok elementu hori behar zuten prozesuak modernizatzeko. Informatika produktibitatea handitzeko eta barne funtzionamendua hobetzeko laguntza ematen die enpresei, azaldu du Jon Taramonak. Gainera, Aplimediak SPRI Taldearen laguntza izan du Enpresa Digitala programaren bidez, enpresen digitalizazioa bermatzeko xedearekin.
Duela hiru urtetik, enpresak erabat online sistemaren alde egin du. “Horrek aukera asko ematen dizkie gure bezeroei. Izan ere, gure sistemara edozein gailutatik sartzeko aukera dute”, azaldu du kudeatzaileak. Bide horretatik, Aplimediaren asmoa bere segurtasuna eta ERP sistemaren zerbitzariak hobetzen jarraitzea da, gero eta bezero gehiagok konpainian konfiantza izan dezaten.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Hazinnovaren eskutik Estatu Batuetan haztea du helburu Rob-Jor enpresak
Manikurako eta pedikurako produktuak fabrikatzen dituen enpresa arabarra industria mota horretako fabrikatzaile europar bakarrenetakoa da, eta berrikuntzaren eta pertsonalizazioaren alde egiten du Asiako lehiakortasunaren aurka borrokatzeko.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.