Arantxa Tapia: “Aurrera egin behar dugu, ez da inbertsioak atzera botatzeko momentua”
Eragile guztiekin lanean ari gara etorkizuneko Industria Plana prestatze aldera. Industria produkzioa eta zerbitzu aurreratuak indartu eta ekonomiaren %40ra iristea da helburua. Horretarako, aurrera pausoak emateko unea da, eta ez inbertsioak atzera botatzeko momentua
Europak bi lan lerro finkatu ditu: energetikoa eta digitala. Euskadin bietan lanean ari ginen, eta prest gaude proiektu interesgarriak aurkezteko; transformatzaileak izango direnak eta enplegua sortuko dutenak
Hondakin industrialen politika asko landu behar ditugu. Zabortegiekin batera, industria ekoizpen prozesuak aldatu behar ditugu: ekonomia zirkularrean sakondu, berrerabilpena sustatu, CO2 isurketa murriztu, etab.
Arantxa Tapia Ekonomiaren Garapen, Jasangarritasun eta Ingurumeneko sailburuak elkarrizketa eman du gaur goizean ETB1ean, eta bertan azaldu ditu bere Sailak legegintzaldi berri honetan izango dituen ildo nagusiak. Besteak beste, honako gai hauek aipatu ditu:
“Enpresak eta Jaurlaritza prest gaude lehiakor izateko”.
“Sailburu guztiak prest gaude eta lanean ari gara; industria plan bat prestatzen ari gara eragile ezberdinekin”.
“Bi lerro nagusi lagundu behar ditugu: batetik, daukaguna mantendu eta berritzeko, eta bestetik, kalitatezko lanpostu berriak sortzeko”
“Gure enpresak lehiakor mantendu behar ditugu etorkizunerako. Alemania adibide izan daiteke guretzat. Soldata jeitsi eta formakuntzan inbertsioa egiten dute. Enpresaren arabera eta egoeraren arabera ikusi behar den gaia da”.
“Krisi sanitarioa ez dago gaindituta, birusak eragina izaten jarraitzen du. Egoeraren unerik txarrena apirilean izan genuen. Erabat geldirik geudenean. Orain egoera konplikatuan gaude, baina ez da hain txarra”.
“Hau ez da inbertsioak atzera botazteko momentua; gaizki dauden sektoreetan formazioa ematen jarraitu behar da”.
.
Ekonomia berdeaz eta Europatik datorren laguntzaz honako hau azpimarratu du:
“Eraldatzaileak eta enplegua sortzen duten proiektuak behar dira izan”.
“Arlo publikoaren adibide bat: “Gure eraikin publiko guztiok eragin energetikoa ahalik eta txikiena behar dute izan. Proiektu hori Europar Batasunak onartzea lortuko bagenu, batetik, enplegua sortuko, eta, bestetik, klimaren aldekoa litzateke”.
“Hondakin industrialekin ekonomia zirkularra lantzea tokatzen da. Hasierako diseinua kontuan hartu behar da hondakin-kopurua murrizteko”.
“Aldaketa klimatikoari aurre egin eta ekoizpen ikuspegitik aukerak sortu daitezke”.
“Zabortegiaz haratago joan behar dugu eta hondakinen politika egin behar da”.
Lotutako albisteak
Marijo Pagalday (Mondragon Korporazioa): “Gure helburua balio kate osoa hartzen duen 360º digitalizazioa eskaintzea da”
Mondragon Korporazioko Ingeniaritza eta Zerbitzuen saila 9 kooperatiba autonomok osatzen dute, eta elkarrekin koordinatuta daude. Kooperatiba horiek 3.000 lanpostu inguru sortzen dituzte zuzenean, eta 300 milioi euroko fakturazioa dute.
Alex Rayón (Brain & Code): “Teknologia mugikorrekiko eta Adimen Artifizialarekiko elkarbizitza naturalizatu behar dugu”
Hezkuntza teknologiko irisgarria bultzatzen duen enpresako CEOak Digital Open Knowledge DOK jardunaldian parte hartu du. Bertan, eraldaketa digitala eta adimen artifiziala aldaketa-azeleragailu gisari buruz hitz egin du.
Intralogistik: “Industria-sektoreko enpresei laguntzen diegu haien kudeaketa logistikoa eraginkorragoa eta merkeagoa izan dadin”
Bizkaiko aholkularitza-enpresa barne-logistikaren arloko diagnostiko-zerbitzuetan, soluzio diseinuan, simulazioan eta ezarpenean espezializatuta dago.
NORAi: “Business Intelligence teknologia abantaila lehiakorra da enpresentzat”
Fideslan aholkularitzaren barruan sortutako enpresa donostiarrak datuak aztertzen ditu BI tresnen bidez, erabakiak berehala eta kontrastatuta hartzeko.
Manex 4.0-HRE Automationek “Espezializazio estrategikoa” saria jaso du 2024 Toribio Echevarria sarietan
Enpresak 40 urte baino gehiago daramatza Elgoibarko Ibaitarte industrialdean, Deba Bailarako Industrialdea, S.A.k kudeatuta.…