Arkikusek denboran zehar bidaiatzeko aukera ematen du, errealitate birtualari esker
Urteetan pentsatu, birpentsatu eta zehaztu ondoren, 2019an diziplina anitzeko talde batek ekintzailetzaren munduan murgiltzea eta Arkikus sortzea erabaki zuen. Arkikus gure ondarearen iraganari leiho teknologikoak irekitzea bilatzen duen enpresa da, publiko guztientzat esperientzia murgiltzaile paregabeak sortzen dituena, denbora-makina gisa funtzionatzen duten eta ondare-lekuen birsortze historiko hiperrealista erakusten duten aplikazio mugikorren edo web interaktiboen erabilerari esker. “ Sortzea erabaki genuen, ikusi genuelako hutsune handia zegoela horrelako esperientzia turistikoetan eta gaitasun gutxiko merkatu-potentzial handia zelako. Gainera, une hartan Arkikusen eskaini nahi genuenera eboluzionatzen ari ziren teknologiak zeuden”, azaldu du Javier Ordoño, Arkikuseko zuzendari exekutiboak.
Helburu nagusia pertsona guztiei bisitatzen duten ondarea erraz interpretatzen, ulertzen edo gogoratzen laguntzea da, aldez aurretik ezagutza handirik behar izan gabe. Horretarako, baliabide digital propioak erabiltzen ditu (smartphonea, tableta, ordenagailua); hortaz, edukia hodeian geratzen da, tresna poltsikoan, eta esperientzia lekuan bertan. Birsorkuntza eskuragarri dagoen dokumentazio historikotik abiatuta eta puntako teknikak erabiliz egiten da, hala nola modelatze digitala edo errenderizazioaren bitartez.
Bere produktu nagusiaz gain, berreraikuntza birtualaren bidez ondarea zabaltzeko aplikazio mugikor edo web aplikazio interaktiboak, beste zerbitzu batzuk ere eskaintzen ditu: ondarearen dokumentazio digitala, bisita eta maketa birtual edo fisikoak sortzea, eta teknologia berriak ondarean erabiltzeari buruzko aholkularitza, esaterako.
Ordoñok onartzen du lan egin duen proiektu guztiak garrantzitsuak izan direla enpresaren ibilbidean, baina badira batzuk Arkikusen “mugarri garrantzitsuak” markatu dituztenak, hala nola Santa Katalina Komentuko (Araba) app-ak, ikusgarritasuna lortzea ahalbidetu zion lehen lana izan zelako; San Vicente Gaztelukoa (Errioxa), Hispania Nostra 2020 saria jaso zuena, kultura- eta natura-ondarea seinaleztatzeko eta zabaltzeko jardunbide egokiei dagokienez; Vitoria-Gasteiz 1850koa, euskal hiriburu baten iragana berreraiki duen lehen aplikazioa izan zelako; Enkarterri Birtualekoa, ondare-esperientziarekin lotutako gamifikazio-dinamikak lehen aldiz sartu zituena; eta MAPPAN, sortu berri den online plataforma, mapa digital gisa balio duena teknologian oinarritutako esperientzia berriak dituzten ondare-espazioak zabaltzeko.
Arkikusek batez ere Administrazio publikoarekin egiten du lan, Espainian berak kudeatzen baitu gehienbat ondare historiko-artistikoa. Hala ere, fundazio pribatuak, bisita gidatuak egiten dituzten enpresak eta turismoko profesionalak ere baditu bezero gisa; izan ere, zuzendari exekutiboak adierazi duenez, “haiek ere sortzen ditugun edukiez baliatu daitezke eta bisitariei esperientzia esklusiboak eskaini ahal dizkiete”. Gaur egun, enpresa atzerriko bezeroekin hitz egiten ari da bere produktua gure mugetatik haratago eramateko.
Etorkizunerako, Arkikusen ekintza-ildo nagusiak dira merkatu nazionalean sendotzea ondarearen berreraikuntza birtualean jarduten duten enpresa nagusietako bat gisa eta barne-mailan hazteko eta atzerriko merkatuan ezartzeko adinako proiektuen errepikapena sortzea, batez ere ondarean potentzial handia duten herrialdeetan, hala nola Italian, Grezian edo Mexikon.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.