Arson Metering, tele-irakurketa adimenduna uraren kudeaketarako
Euskal enpresaren teknologia dagoeneko instalatu da Formenterako 2.400 kontagailuetan
Aqualia multinazionalak oraintsu bukatu du ur-kontagailuen sarerako tele-irakurketa sistema baten instalazioa Formentera uhartean. Proiektu horrek oinarritzat du tele-irakurketa adimenduneko sistemetan eta baliabide hidrikoen kudeaketan espezializatutako Arson Metering enpresa bizkaitarraren teknologia bat. Hala, Formenterako 2.400 ur-kontagailuek badute sistema bat sarearen egoera denbora errealean monitorizatzeko.
Arson Metering enpresak garatutako AquaCity teknologiaren ezaugarri garrantzitsuetako bat da bateragarria dela merkatuko ur-kontagailu guzti-guztiekin eta komunikazio protokolo desberdinekin. Oinarritzat hartuz softwarea eta sare finkoko ekipoak, etengabe bidaltzen ditu kontagailuetako datuak, egunean 24 irakurketa oso egiteraino. Hala, posible da sareko irregulartasunak detektatzea (isuriak eta matxurak) eta uraren kontsumoari buruzko datu askoz zehatzagoak izatea. Zerbitzu horrek kontagailuak geo-kokatzen ditu eta Datuen Kontrolerako Zentrora bidaltzen du informazioa, han sarearen funtzionamendua kudeatzeko.
Aqualia-k Arson Metering enpresarekin batera ezarritako proiektu horrek lider bihurtu du Formentera hornikuntza hidrikorako sareen kudeaketan, lehen uhartea baita kontagailuen tele-irakurketa adimenduneko sistema bat duena. Teknologia horrekin posible da kontsumoa kontrolatzea, baliabideak ez xahutzea eta ingurumen sostengarritasuna errespetatzea.
Arson Metering Leioan dago eta IoT Water Taldeko enpresa bat da. 2009tik ur edangarriaren arloko I+G da bere jarduera nagusia eta AquaCity, berriz, garatu duen gailu garrantzitsuena, sistema unibertsal bat, kontagailu fabrikatzaile guztiekin eta merkatuko ur kudeatzaile desberdinekin integratu daitekeena. “Hasieratik frogatu genuen tele-irakurketaren helburua ez dela datuak lortzea fakturatzeko, baizik eta sare hidrikoak monitorizatzeko eta optimizatzeko” azaldu du Jorge Manriquek, Arson Metering enpresako zuzendari komertzialak, “egunean 24 aldiz irakurtzen ditugu kontagailuak, horrela kontsumo profilak ateratzeko, sarearen egoera aztertzeko eta, funtsean, ura aurrezteko”.
Lotutako albisteak
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.