Automozioa, aeronautika eta osasuna, fabrikazio gehigarrian aktiboenetakoak diren hiru industria
Fabrikazio gehigarria, gaur egun bizi duen egoera eta etorkizunari begira duen proiekzioa ardatz hartu dira SPRI Taldeak eta Gipuzkoako Ganberak Gipuzkoako Zientzia eta Teknologia Parkean antolatutako topaketan. Fabrikazio gehigarria hertsiki loturik dago 4.0 Industrian erreferentziazko motor bilakatu diren sektoreekin, hala nola automozioarekin, aeronautikarekin, makina-erremintarekin edota osasunarekin, eta lotura horrek azkartu egin du bere ezarpena Euskadiko produkzio-industrian.
Fabrikazio mota horrek hainbat abantaila eskaintzen ditu, adibidez, posible da pieza oso konplexuak egitea inprimagailu bakar batekin, behar adina pieza egitea eta material desberdinak erabiltzea, eta, bestalde, kontuan hartu behar da baita ere sostengarritasun faktorea, material oso gutxi galtzen baita. Baina baditu bere mugak, esaterako, 3D inprimagailuentzat modelatzen dakiten giza-baliabideak (bereziki azaleren arloan) behar dira, eta beste faktore bat da inprimagailuen bereizmena (zenbat eta kalitate handiagoa, orduan eta garestiagoa) eta pieza guzti-guztiak desberdinak direla.
200etik gora profesionalek aukera izan dute Tecnun, Pixel Sistemas, Ik4-Lortek, Tecnalia, Carsa, Addimat, HP-Iberia Domotek eta Stratasys enpresen esperientziak partekatzeko. Hizlari guztiak bat etorri dira esatean merkatu hori oso azkar ari dela hazten, uste baino azkarrago, bi digitu baino gehiago azken bost urteetan. Teknologiak gero eta zehatzagoak eta espezializatuagoak dira, eta lanean jarraitzen dute material berriak eta prozesu hobeak txertatzeko eta horrela erantzuna emateko industria tradizionalean kostuagatik eta denboragatik ase ezin ziren premiei. Hizlariek orobat aipatu dute fabrikazio gehigarriaren ekosistema bat sortu beharko litzatekeela. Eta industria horretarako giza-baliabideak dira ekosistema berri horren eskaeretako bat.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean