Berdin Taldeak, 40 urteko esperientzia baino gehiagorekin, soluzio elektrikoak eta telekomunikaziokoak eskaintzen ditu
Donostian duela 40 urte baino gehiago sortutako taldea da Berdin. Soluzio elektrikoen, industrialen eta telekomunikazioen banaketan jarduten du, eta hainbat sektoretarako eskaintza zabala du; besteak beste, Schneider Electric, Bosch eta Siemens bezalako hornitzaileak ditu. “Gure bezeroekin lankidetzan dihardugu haien beharrak aztertzen, konponbideak aholkatzen eta diseinatzen eta produktuak aukeratzen, eta, horretarako, euskarri teknikoa ematen dugu sei negozio-arlo hauetan: argiztapena, automatizazio industriala, instalazio elektrikoak, segurtasuna, telekomunikazioak eta energia”, azaldu du Ana Gilek, Berdineko komunikazio- eta marketin-arduradunak. Egoitza nagusia Donostian duen arren, enpresak 17 ordezkaritza ditu Espainia osoan, adibidez, Madrilen, Bilbon, Bartzelonan edo Valentzian, eta guztira 250 langile ditu.
Eskaintzen dituen soluzioen aniztasuna dela eta, Berdinek bezero askorentzat lan egin du lau hamarkada baino gehiagoko ibilbide honetan, bai tokiko mailan, bai estatu mailan. Aipatzekoak dira, besteak beste, alderdi kritikoetako komunikazio- eta argiztapen-sarea egindako berriztapena Gasteizko Mercedes -Benz lantegian, Bizkaiko errepideak kontrolatzeko eta ikuskatzeko komunikazio-azpiegitura, eta hainbat museo eta barrutiren argiztapena eta domotika. Izadi enpresarentzat egindako proiektua da berriena, autokontsumo industrialerako eguzki-panel fotovoltaikoak instalatuz.
Barne-prozesuetako berrikuntza funtsezkoa da Berdinentzat, “soluzio jasangarriak zentzuz eta eraginkortasunez eskaini ahal izateko”, nabarmendu du Ana Gilek. Adibidez, bere Belartzako industrialdeko egoitza nagusiko automatizazioaren kasua. “Biltegi honetan AutoStore sistema instalatu dugu, biltegian espazioa optimizatzeko automatizazio logistikoko sistema. Gainera, biltegia kudeatzeko sistema bat ere badu, prozesuak automatizatzeko aukera ematen duena: eskaeren kudeaketa, biltegiratzea, inbentarioak…”.
Iaz, Berdin %22 hazi zen, 2021. urtearekin konparatuz, eta aurtengo kurtsoan taldeak 80 milioi euroko fakturazioa aurreikusten du, industriaren alorrean eta mugikortasun elektrikoan hazteko asmoz. Beste helburuetako bat bere hedapen geografikoarekin jarraitzea da, negozio eremu bakoitzean ere haziz.
SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean