BerriUp azeleragailuak startupentzako 7. deialdia ireki du
Azelerazio programa horrek prestakuntza, aholkularitza eta inbertsioa eskaintzen ditu
BerriUp azeleragailuak edizio berri bat abiarazi du proiektu teknologiko berritzaileentzat. Programak 4 hilabeteko laguntza eskaintzen du, eta denbora horretan, aukeratutako lantaldeek prestakuntza espezifikoa, tutoreen laguntza pertsonalizatua eta aholkularitza jasoko dute. Gainera, prozesuan zehar startupek aukera izango dute 50.000 euroko inbertsioa eskuratzeko, proiektuko akzioen %10aren truke.
BerriUp ekimenaren 7. deialdia zabalik egongo da ekainaren 22ra arte azeleragailuaren web orriaren bidez. Deialdia beraizik zuzentzen zaie garapenaren hasierako fasean dauden eta hazteko eta nazioartera proiektatzeko potentzial argia duten enpresa proiektuei. Prozesuan zehar, BerriUp azeleragailuko lantaldeak laguntza emango die ekintzaileei negozio-eredua egin eta baliozkotzeko, eta Gutxieneko Produktu Bideragarri bat aurkezteko merkatuan, nazioarteko ikuspegi batetik abiatuta.
Programa irailaren 9an hasiko da, presentziala izango da eta azeleragailuak Donostian dituen bulegoetan egingo da. Proiektu parte-hartzaileek coworking gune bat izango dute prozesuak irauten duen 4 hilabeteetan, eta ekimenean parte hartzen duten 20 tutore adituek jarraipena eta laguntza pertsonalizatua eskainiko diete. Startup bakoitzak tutore talde espezifiko bat izango du bide-lagun. Gainera, nola BerriUp proiektuko partaide bihurtzen den akzioen zati txiki bat eskuratuz, programa bukatutakoan ere proiektuan inplikatuta jarraituko du, talde sustatzaileari lagunduko diolarik finantzaketa eta bezeroak bilatzen.
BerriUp 2015ean sortu zen ekimen pribatuaren bidez eratutako Euskadiko lehen startup-azeleragailu bezala, eta laguntzaile ditu Adegi, Orkestra, Mondragon Team Academy, Onura, Ieteam eta, besteak beste, Hasitago.
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Wake Up! Albiste ekintzaile batzuk sarean 250309
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.