Bi ekintzaile euskaldun Forbes aldizkariaren 30 under 30 zerrendan
BiziPoz eta Zocco Handmade sortu dituzte ekintzaile gazteek
Eider Etxebarria eta June Arrieta, biak gipuzkoarrak, hautatu dituzte 2018ko 30 under 30 zerrendarako, zeina Forbes aldizkariak egin baitu estatu osorako. Berrikuntza-potentzial eta sektorea eraldatzeko gaitasun handia duen proiektu bat abiarazi duten 30 urtetik beherakoak jasotzen ditu urtero zerrenda horrek.
Eider Etxebarriak, Beatriz Santamaríarekin batera, BiziPoz sortu zuen, zahartze aktibo, osasuntsu eta parte-hartzailearen inguruan lan egiten duen enpresa sozial bat. Bereziki zaharrentzat diseinatutako prestakuntza-jarduerak eta -lantegiak garatzeko helburua du proiektuak, haien beharrei erantzuteko. Dinamika horien xedea da pertsona nagusiek ekimen propioak izan ditzaten sustatzea, haien jakintzaren balioa azpimarratzeko eta eragin positibo bat sortzeko ingurunean.
BiziPoz enpresak hiru negozio-lerro ditu: HerriPoz, udalerrietan prestakuntza emateko; IkasPoz, lantegiak emateko erakunde eta elkarteetan; eta LanPoz, enpresetan erretirorako prestatzeko egiten den programa bat. 2015ean abiarazi zuten ekimena bi ekintzaile horiek, Mondragon Unibertsitatean LEINN gradua –Lidergo Ekintzailea eta Berrikuntza– ikasten ari zirela. 2017an, Making More Health deialdiak hautatutako bost ideietako bat izan zen BiziPoz; gizarte-ekintzailetzako Ashoka sareak eta Boehringer Ingelheim enpresa farmazeutikoak sustatzen dute Making More Health deialdia.
June Arrieta donostiarra ere Forbes aldizkariaren 30 under 30 zerrendan sartu dute, Zocco Handmade proiektua dela eta, haren sortzaileetako bat baita. Ekimena 2017an sortu zen, Marokoko emakumeei laguntzeko helburuarekin: moda-osagarri etikoak ekoitzi eta saltzen dira. Marokoko lantegietako emakumeei ematen die lana Zocco Handmade enpresak, poltsak, motxilak eta gerrikoak egin ditzaten. Emakume horiek oihalak eta larruzko objektuak egiteko darabilten artisau-jakintzaren balioa nabarmentzen du proiektuak, eta enplegu duina eta prestakuntza izateko aukera ematen die. Era berean, Zocco Handmade ekimenak lotura bat sortu nahi du ekoizleen eta erosleen artean, gogoeta egiteko modaren industriaren eta erosketa arduratsuak ematen dituen aukeren inguruan.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.