Bi euskal talderen berrikuntza eta ekintzailetza saritua izan da First Lego League España lehiaketan
Euskadi punta-puntako eskualdea da berrikuntzaren sektorean, eta etorkizunari begira, profesional-harrobi handia du, First Lego League España–ko finalean saritu dituzten bi euskal proiektuk egiaztatzen dutenez. Zientzia, teknologia eta ingeniaritzan interesa duten 6 eta 16 urte bitarteko gazteei zuzenduta dago txapelketa hau, eta ekintzailetza eta proiektuen kalitatea baloratzen da.
Portugaleteko Senide Arteko ‘Construcciones y Demoliciones‘ taldea (Estrategia eta Berrikuntzan Lehen Saria) eta Donostiako Axular Lizeoaren ‘Overclock‘ taldea (Ekintzailetza Saria) izan dira sarituak. Overclockek horrelako robotika txapelketetan esperientzia handia du, non robotikaren bidez, planteatzen diren erronkei irtenbide bat eman behar zaion. Haiek Zeo robotaren bidez eman diete erantzuna – izena zeolitetatik datorkio, ekonomia zirkularra indartzeko erabili dituzten mineralak-.
Bi proiektu hauek First Lego League Euskadi izeneko finalean parte hartu zuten, otsailean, Donostian, Arrasaten eta Bilbon. Final hori Donostiako Udaleko Sustapen Sailak, Mondragon Unibertsitateak eta Deustuko Unibertsitateak antolatu zuten, Innobasque Berrikuntzaren Euskal Agentziaren lankidetzarekin.
Euskal finalean 2.000 euskal ikasle baino gehiagok parte hartu zuten, eta aurtengo gaiarekin lotutako proiektuak egin behar izan zituzten: bizitzeko eta lan egiteko ingurune hobeak eraikitzea. Bertan, hiriko eraikin edo espazio publiko baten arazo bat identifikatu eta soluzio berritzaile bat proposatu behar izan zuten. Final nazionala, eskualdeko txapelketa bakoitzaren proiektu finalistak aurkezten ziren lekua, martxoan Tenerifen egiteko zen, baina koronabirusaren ondorioz, online formatuaren bidez egin da, uztailaren 1, 2 eta 3an.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.