BIND 4.0 ekimenak martxan jarri du startupen azelerazio-programaren hirugarren edizioa
“Bezero handi batekiko bere lehen kontratua eskaintzen du”, nabarmendu du Aitor Urzelaik, Eusko Jaurlaritzako Ekintzailetza, Berrikuntza eta Informazio Gizarteko zuzendariak.
BIND 4.0 startupen azelerazio-programa publiko-pribatuak gaur jarri du martxan bere hirugarren edizioa, 30etik gora enpresa eta aholkularitzarekin egindako jardunaldi batean. Eusko Jaurlaritzako Ekintzailetzako zuzendariak, Aitor Urzelaik, ezagutzera eman ditu ekimen arrakastatsu horren abantailak. Dagoeneko Euskadiko enpresa garrantzitsuenetako 27k parte hartzen dute bertan.
2017ko bigarren edizioan, enpresa kolaboratzaileek 27 startup hautatu zituzten guztira, eta elkarlan horietatik ateratako 40 proiektu dauzkate martxan gaur egun. Horrek esan nahi du, BIND 4.0 programa %150 hazi zela iaz, 2016arekin alderatuta.
BIND 4.0 nazioarteko ekimen bat da, helburutzat duena startup onenen garapena bultzatzea 4.0 Industriaren teknologia berrietan oinarritutako konponbideekin (datu handiak, errealitate birtuala/areagotua, robotika kolaboratiboa, zibersegurtasuna, Internet of things, 3D inprimaketa, e.a.), eta konponbide horiek aplikatzea manufaktura aurreratu, energia eta osasun sektoreetan.
Bind 4.0 azelerazio-programa publiko-pribatu bat da eta 24 asteko iraupena du. Parte-hartzaileek aukera dute ordaindutako proiektu bat garatzeko enpresa industrial kolaboratzaileetako batekin, eta badute baita ere laguntza-zerbitzuz eta jardueraz osatutako programa trinko bat.
Eusko Jaurlaritzako Ekintzailetza, Berrikuntza eta Informazio Gizarteko zuzendariak, Aitor Urzelaik, xeheki azaldu ditu BIND 4.0 programaren ezaugarriak: “Programa hau martxan jarri genuen Euskadira talentua erakartzeko, Eusko Jaurlaritzak apustua egin zuelako 4.0 industriaren alde, eta ikusten genuelako gure herriko enpresa handiei gero eta gehiago interesatzen zitzaizkiela gure haztegietan (BIC) kokatutako startupak. Eta laugarren arrazoia: startupek helarazten zizkiguten mezuak esanez merkatuko aukerak behar zituztela”.
Urzelaik azpimarratu du “ekimen publiko-pribatu bat dela, espezializatua eta nazioartekoa”, non startupek aukera duten “benetako proiektu eta bezero batengana iristeko, eta horien bidez beste ate batzuk zabaltzeko. Aukera daukate horrela bezero handi batekin lan egiteko eta finantzaketa eta inbertsioa eskuratzeko, baldin enpresak startupean inbertitu nahi badu”.
Ekintzailetzako zuzendariak adierazi duenez, “Euskadi ekintzailetza industrialaren mapan kokatu du programa horrek, eta hori ona da industria sektorea hobetzeko”. Orobat esan du BIND 4.0 ekimenaren lehen bi edizioetan fabrikazio aurreratuaren eta energiaren sektoreetako enpresa berriak bilatu dituztela nagusiki, “eta hirugarren edizio honetan, berriz, osasun sektorera ere” zabalduko dutela.
Esan du enpresa parte-hartzaileek “behar bezain helduak izan behar dutela lehen unetik bertatik ekarpenak egiteko”, eta bete beharreko baldintza bat dela ez izatea 8 urte baino gehiago. Azpimarratu du BIND programak gainerako azeleragailuen aldean daukan elementu bereizgarria dela “aukera ematen diela startupei beren lehen kontratua sinatzeko bezero handi batekin. Horra BIND 4.0.ren balio handiena”.
Euskadin ezarritako enpresa garrantzitsuenetako batzuek parte hartzen dute BIND 4.0 programan: ABB, Aernnova, Grupo Alcor, Alegria Activity, Arcelor Mittal, Batz, Bridgestone, CAF, Cie Automotive, Cikautxo, Danobat Group, Elay, Euskaltel, Fagor Ederlan, Gestamp Group, Grupo Elecnor, Iberdrola, Itp, Maier, Mercedes Benz Vitoria, Michelin, Nem Soutions, Repsol – Petronor, RPK, Sener, Sidenor eta Ulma-k, besteak beste.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du