Biolanek analisi-biosentsore bat merkaturatu du digitalizazio-tresnekin
BIOLANek BIO 7000 biosentsore berria merkaturatu du. Euskal konpainia bioteknologiaren teknologia analitiko sendoari eta ziurtatuari tresna digitalizatu baten abantailak gehitu zaizkio ,konektibitatea duen tresna bat merkaturatuz. Produktu-lerro berri honek, transformazio digitalean ekarpen garrantzitsua egiten dio elikadura eta osasun balio-kate guztiari, monitorizazio analitiko adimenduna eta integrala bermatuz.
Gaur egun, sektore ekonomiko bakar batek ere ez dio ihes egingo eraldaketa digitalaren prozesu saihestezinari. Elikagaien industria ez da aldaketa handietatik at bizi, eta bere lehiakortasunari eta kalitate mailari eusteko egokitzen saiatzen da.
Eraldaketa digitalaren ondorioz, BIO 7000 bezalako ekipo disruptiboak garatzearen aldeko apustua egin du BIOLANek. Gailu berria, eramangarria, moldakorra eta konektibitatez hornitutako biosentsoreen belaunaldi berri bati dagokio, zein prozesu analitikoaren monitorizazio integrala eskaintzeko garatu da. Izan ere, aukera ematen du emaitzak modu aurreratuan bistaratzeko, datuak hodeian biltegiratzeko baita datuen kudeaketa adimendua egiteko ere. Honek balio-kate osoan zehar produktuaren trazabilitatea edukitzea ahalbidetzen du ondorengo sektoreetan: arrantzan, esnean, enologian eta krustazeoetan.
BIO 7000 biosentsorea, bere eramangarritasunagatik eta erabiltzeko erraztasunagatik bereizten da. Horrek, laborantza-, harrapaketa-, ekoizpen- edo eraldaketa-prozesuko edozein puntutan, banaketan, salmenta-puntuetan eta abarretan neurtzea ahalbidetzen du, kontrol eta monitorizazio analitikoa lehen pentsaezinak ziren lekuetaraino eramanda.
Beraz, BIO 7000 biosentsorearen berrikuntza interesgarrienak ondorengo hauek dira: a) diseinu berritua, autonomia, eramangarritasuna eta arintasuna ematen dituena; b) analisien emaitza optimizatzen duten aldez aurreko biotest kalibratuak; eta, c) BIOLANglobal plataformarako sarbidea, konexioa duen edozein gailutatik eskuragarri, zeinen bidez erabiltzaileak, besteak beste, honako hauek egin baititzake: emaitzak ikusi eta deskargatu, kudeaketa-kontrolatu, instalazio ezberdinetako analisiak berrikusi eta alerta ezberdinak konfiguratu.
BIOLANek elikagai-industriari laguntzen dio digitalizazio-prozesuan, metodo adimentsuago eta konektatuagoetarantz aurrera egin dezan. Erabakiak azkarrago, zehatzago eta modu objektiboagoan hartzeko eta lehiakortasuna, kalitatea eta errentagarritasuna areagotzeko. BIOLANek bere bezeroen behar eta eskakizunetara egokituz proiektuetan lan egiteko gaitasuna du. Horri esker, elikadura-kontrolaren monitorizazioaren arloan zerbitzu integrala eta pertsonalizatua eskaintzen duen enpresa da.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.