Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Biotz, aktibo digital pertsonalizatuen garapenean espezializatutako euskal enpresak, duela aste batzuk Kataluniako Roca Salvatella aholkularitzarekin egindako aliantza berria iragarri zuen.
Akordio honek enpresa-sarean gero eta handiagoa den behar bati erantzuten dio: adimen artifizialaren, datu-masaren kudeaketaren, sentsorizazioaren eta zerbitizazioaren arloetan konpainia bakoitzaren errealitatera egokitutako irtenbide teknologikoak lortzea. “Akordioak berrikuntza teknologikoaren balio-kate osoa batzen du eta bi enpresen talentu digitala indartzen du, ekonomiari eta enpresa-sareari eragiteko”, aitortu du Asier Galdosek, Biotzeko zuzendari exekutiboak.
Puntu honetan, Biotzek merkaturatzean, negozio-ereduetan eta diseinuan bere ahalmen estrategikoak indartzea lortu du, bere sendotasun teknologikoa osatuz. Gainera, lankidetza honek euskal enpresaren hedapena merkatu berrietara ahalbidetu du, Katalunian eta nazioartean presentzia handiagoa lortuz.
Hala ere, harreman hau ez da berria, bi enpresek urteetan zehar elkarrekin lan egin baitute Mondragon Korporazioa, Seat, Renolit eta Eurofragance bezalako erreferentziazko enpresentzako proiektuetan. Horrela, gero eta formalizatuago dagoen lankidetza honi esker, Biotzek sektore gako desberdinetarako berrikuntza-proiektuak egiten jarraitzea espero du. “Organikoki, elkar ulertzen den talde bat osatu dugu, eta hainbat proiektu garatzen ari gara industria kimikoaren, energia-eraginkortasunaren eta adimen artifizialaren arloetan”, gaineratu du zuzendari exekutiboak.
Horrela, geografiaren arabera banatuta dituen 15 profesional lantaldearekin, euskal enpresa digitalizazioaren arloan aktore nagusietako bat bihurtu da. Denbora errealeko datuetan oinarritutako irtenbide teknologikoetan espezializatuta, Biotzek hiru plataforma propio ditu: Biotz IoT (objektu fisikoen internet bidezko elkarlotzea), HOP (aplikazioen garapen azkarra) eta Genie (adimen artifizial sortzailea eta ‘machine learning’). Tresna horiei esker, enpresak industriari, energiari, kimikari eta logistikari, zerbitzu integrala eskaintzen die, betiere berrikuntza eta optimizazio teknologikoa bilatuz.
Bultzada honekin, Biotzek independentzia teknologikoaren eta datuen subiranotasunaren aldeko konpromisoa sendotu du, digitalizazioaren eraldaketan funtsezko balioak baitira. “Gaur egun enpresek beraien sistemak kontrolatzea bilatzen dute, lehiakortasun-abantaila handiagoa izateko eta hirugarrenen softwarearen menpe ez egoteko”, azaldu du Galdosek. Horrela, bere eskaintzak, gero eta gehiago bezero bakoitzaren beharretara egokituta, aukera ematen dio eragin handiko irtenbide digital pertsonalizatuak emateko helburuan aurrera egiteko.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Gainera, SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak

Elena Urbizu: “Gure helburua Luzaroko funts propioak sendotzea da, Euskadiko enpresen garapena finantzatzen jarraitzeko”
Euskadin jarduten duen kredituko finantza-erakundeak akordio berri bat sinatu du Europako Banku Zentralarekin, eta Eusko Jaurlaritzarekin eta finantza-erakundeekin duen aliantza berritu du.

GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.

Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.

Eduardo Lasa: “Mugikortasunaren eta logistikaren sektorea Euskadin sendo dago eta erronka berrietarako prest”
Euskadiko Mugikortasun eta Logistika Klusterrak pertsonen mugikortasunaren, merkantzia-logistikaren eta garraio adimenduneko teknologiekin (ITS) lotutako industrien sektoreko 122 enpresa eta eragile biltzen ditu, eta urtean 12.500 milioi euro fakturatzen ditu.

NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.

Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.

Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira

Aratubo: “IA funtsezko zeregina betetzen ari da gure eraginkortasuna eta berritzeko gaitasuna hobetzeko”
Enpresaren historia hazkunde azkar eta iraunkor batek markatu du. BAICeko bazkide da 2022tik, eta SPRI Taldeak sustatutako hainbat programatan parte hartzen du. Aitor López de Letona gerentearen arabera, "smart factory kontzeptua epe ertainerako lehentasunetako bat da".

Fagor Automationek emakumezkoen enpleguaren ia % 40 lortu du
Konpainia SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da

Loco Polo: “Hauxe da zerotik hasita sortu dudan eta urte gehien dituen proiektua”
Iñigo Galdonak, enpresaren sortzaileetako batek, artisau-izozkien proiektua bultzatu du Gipuzkoatik, eta beste hainbat herritan ere saltzen dute: Frantzian edo Omanen, adibidez