Birziklatzen zailak diren hondakinen bigarren bizitza bermatzeko 4.0 tresnak
EAEko 13 eragile, horien artean, enpresak, teknologia-zentroak eta klusterrak, konponbideak bilatzen ari dira 4.0 industriaren tresnak eta trantsizio ekologikoa bateratzeko, birziklatzen zailak diren hondakinen balorizazioari dagokionez Euskadin dauden erronkei aurre egiteko.
PRIEM+ izeneko ekimena prozesatzearen eta trazabilitatearen zerbitzurako teknologia aurreratuak garatzean datza, birziklatzen errazak ez diren hondakinen baliabide materialak berreskuratzeko. Esate baterako, ontziak eta bilgarriak, tresna elektriko eta elektronikoen hondakinak eta eraikuntza- eta eraispen-hondakinak. Helburua: hondakin horiekin polimeroak, metalak eta mineral berrerabilgarriak sortzea, industria-prozesuetako lehengai gisa erabiltzeko.
PRIEM+ proiektuak bederatzi euskal enpresa batu ditu partzuergo batean helburu hori lortzeko. Semantic Systems da proiektuaren buru eta Ikusmen, STT Systems, Serikat, Reydesa Recycling, Trienekens, Belako Lanak, Ogerco eta Enerlan Solutionek parte hartzen dute. Horiek guztiek Tecnalia eta Gaiker, Inatec eta Aclima, eta Basque Environment Cluster zentro teknologikoen laguntza dute.
Proiektuaren arabera, European Green Deal-ak, Europako Batzordearen datozen urteetarako ibilbide-orriak, “industriarako beharrezkoak diren bi trantsizio ezartzen ditu: digitala eta ekologikoa”, eta bi hanka horietan oinarritzen da PRIEM+. Euskadik 5,8 milioi tona hondakin sortzen ditu urtero, eta horietatik % 53 birziklatu egiten dira. Partzuergoak sei milioi eurotik gora berreskuratzea espero du baliabide materialen bolumenean, baita zabortegian amaitzen diren errefus frakzioak urtean 40.000 tona murriztea ere -Euskadin zabaltzeak 200.000 tona baino gehiago murriztea ekarriko luke-. PRIEM+ek kalkulatzen du lanean ari diren irtenbideen ustiaketak 40 enplegu berri sor ditzakeela.
Blockchainetik adimen artifizialera edo biki digitaletara
Hori lortzeko, soluzio digital berriak garatzen ari dira, IoT (gauzen Internet, ingelesezko siglengatik), sentsore anitza, ikusmen artifiziala, adimen artifiziala eta blockchain delakoa oinarri hartuta. Birziklatzeko konplexuak diren hondakinen hiru bloke horiek identifikatzeko eta sailkatzeko sistema adimendunak sortzeko eta informazioa biltzeko tresnak dira. Baina biki digitalak ere jarriko dira martxan, hondakinak modu automatizatuan eta optimizatuan bereizteko.
Lehengai horiek birziklatzeko prozesuen monitorizazioan, kontrolean eta kalitatearen iragarpenean ere aurrera egiten du PRIEM+ programak. Azkenik, lehengai birziklatuen trazabilitate-sistemak aktibatzearen aldeko apustua egiten da. Horrekin guztiarekin, “Euskal ekoindustriaren lehiakortasuna indartzen” lagunduko dela azaldu dute.
PRIEM+ programak Ekonomiaren Garapen, Iraunkortasun eta Ingurumen Sailaren Hazitek programaren finantzaketa jaso du SPRI Taldearen bidez. Programa horrek euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat