Bizkaia Open Futurek startupei zuzendutako bizkortze komertzialeko programa abiarazi du
Deialdia urriaren 10era arte irekita dago
Bizkaia Open Future Bizkortze Komertzialeko programak merkataritza-ekintza berrietara irekitzeko aukera eskainiko die startup eta ETE teknologikoei Telefonicako bezero-zorroaren bitartez. Ekimen honen bitartez, laguntza eman nahi zaie eraldaketa digitalaren arloan soluzio berritzaileak dituzten Bizkaiko enpresa txiki sortu berriei.
Deialdia big data, Gauzen Interneta, segurtasuna, erabiltzailearen esperientzia, multikanalitatea edota eraldaketa digitaleko kontsultoretza estrategikoarekin lotutako produktuak edo zerbitzuak garatu dituzten startupei eta enpresa txiki eta ertainei zuzenduta dago. Programa soluzio teknologikoak merkaturatuak edo bezeroekin baliozkotuak dituzten enpresentzat sortua da, bereziki, soluzio horiek merkaturatzen laguntzeko. Gaitasun komertziala duen talde bat izatea eta soluzioen eraginkortasuna frogatzen duten arrakasta-kasuak biltzea dira ekimenean parte hartzeko bete beharreko baldintzetako batzuk.
Bizkaia Open Futurek gehienez zazpi enpresa aukeratuko ditu, eta hauek merkataritza-ekintzak gauzatzeko aukera izango dute Telefonicaren laguntzaz, balizko bezero berriekin harremanetan jarruz. Programa honen helburua startupak eta ETEak bizkortu eta merkatuan finkatzea da, soluzio berria zabaltzeko edo bezero-zorroa handitzeko aukera eskainiz.
Hautagaiak Bizkaia Open Futureren atarian aurkez daitezke urriaren 10era arte, eta hautaketan ondo kontuan hartuko dira negozio-eredua, eskalagarritasuna, erabilitako teknologiak, bezeroen artean izandako arrakasta-kasuak eta talde sustatzailearen gaitasuna.
Bizkaia Open Future Telefonicak eta Bizkaiko Foru Aldundiak sustatutako ekimena da, Bizkaiko enpresen ekintzailetza teknologikoa eta eraldaketa digitala babestea xede duena. Bizkortze Komertzialeko programaz gain, Bizkaia Open Futurek Berrikuntza Irekia deritzon ekimena ere abian du, eraldaketa digitalari lotutako erronkak enpresa trakziogileen eta esparru teknologiko startup edo ETEen lankidetzaren bitartez gainditzeko asmoz.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna