Borja Soroa (Pevasa): “Eraldaketa digitala erronka handia da oraindik arrantza-industrian”
Familia enpresa bat da Pevasa, Bermeon kokatua eta arrantza sektorean diharduena, 60 urte baino gehiagoko esperientzia duena. Borja Soroa, CEOa, Atunontzi Izoztaileen Armadoreen Elkarte Nazionaleko (ANABAC) presidentea eta Euskal Herriko Itsas Foroko lehendakariordea da. Elkarrizketa honetan, Soroak euskal arrantza-ontzidiak eraldaketa digitalarekiko duen jarrera azaltzen du” Nekez ari gara egokitzen. Normalean tamaina txikiko enpresak gara, familiakoak, eta osagai teknologikoa, batez ere, arrantza-detekzioaz arduratzen da. Arrantzaren esparruan lan egin nahi duten profesionalak sartzeko erronka dugu, eta digitalizazioari dagokionez enpresen pentsamolde aldaketa behar dugu.
Beste gai bat, energia- eta ingurumen-eraldaketa da, industriak uste baitu Europako erregulatzaileak gehiegizko presioa egiten duela. “Atmosferara karbono dioxido gutxiago isurtzea edo gutxiago kontsumitzea nahi dute. Baina, aldi berean, erregaietan zerga-karga oso handia ezartzen digu, eta horrek asko zailtzen du enpresek baliabide teknologikoetan edo kontsumoa murrizteko irtenbide berritzaileetan inbertitzeko finantza-gaitasuna izatea. Erronka bat izaten jarraitzen du, baina ez dugu behar besteko babesik”, Borja Soroaren esanetan.
500 profesional inguru ditu Pevasak eta arlo hauek lantzen ditu bere arrantza-jarduerari teknologia berriak aplikatuz, “Duela gutxi, Blockchain aplikaziorako eta gure harrapaketak egiaztatzeko proiektu bat garatu dugu, erosleari teknologia horren bidez arrain horiek guztiek trazabilitatea bermatuta dutela ziurtatu eta segurtasuna emango dion sistema bat eskaini ahal izateko. Bestalde, Big Datan laguntza ematen diguten kanpoko enpresekin ere ari gara lanean, jokabide jakin batzuk nola aurreikus daitezkeen ikusteko, edo hainbat ekitaldiei aurrea hartzeko”, azaldu du konpainia bizkaitarreko CEOk.
Borja Soroa BECen oraintsu egin den World Maritime Week kongresuan parte hartu du, eta gai horien inguruan hitz egin du ´Trantsizio berdea eta digitala Portuetan. Arrantza: Europako arrantza-flota, Batzordearen legediaren arabera. Portuak energia-zentro gisa ´ izeneko mahai-inguruan.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.