CFO Data Analytics, adimen areagotua finantza arloko erabaki onenak hartzeko
Lanit aholkularitzak merkaturatu duen datuen analisirako aplikazioa integragarria da ERP garrantzitsuenekin
Enpresetako finantza-zuzendariek hainbat eratako informazioa (emaitzen balantzeak, diruzaintza, arriskuak eta gastuen atzerapenak eta aurreikuspenak) behar dute erabaki onenak hartzeko, batez ere ziurgabetasun garaietan. Baina ez da erraza informazio hori azkar eta fidagarritasunez biltzea aztertu ahal izateko, batzuetan datuak sistema desberdinetatik iristen direlako, eta integratzeko prozesua luzea eta eskuzko akatsez betea izan daitekeelako. Horregatik, Lanit Consulting enpresa bizkaitarrak oraintsu merkaturatu du CFO Data Analytics produktua, aplikazio analitiko bat enpresetako finantza-zuzendaritzentzat espreski diseinatua dagoena.
“Geure bezeroek eman diguten ezagutzan oinarrituta eraiki dugu tresna hau” azaldu du Gonzalo Lópezek, Lanit taldeko Negozio Garapeneko zuzendariak, “giltza eskuan erako konponbide bat da, finantza-zuzendariari aztertu beharreko informazio guztia ematen diona”. CFO Data Analytics produktuaren helburu nagusia da gaitasun analitikoa handitzea, erabakiak hartzeko eta aukerak ebaluatzeko.
Tresna honen ezaugarri garrantzitsuenetako bat da merkatuko ERP garrantzitsuenekin integratu daitekeela, datu guztiak sistema bakarrean bilduz. Aplikazioaren gaitasun analitikoa bloke desberdinetan garatzen da, barne hartzen dituelarik emaitzen kontua, arriskuak, diruzaintza, balantzea eta finantza-ratioak. Hala, momentuan lor dezake enpresaren egoerari eta etorkizuneko aurreikuspenei buruzko informazioa. Lanit Consulting enpresak dioenez, beste abantaila bat da berehala ezarri daitekeela, guztiz operatibo egon baitaiteke astebeteren buruan. Sistema SAAS formatuan eskaintzen da, “kuota bat ordaintzen da erabiltzaile bakoitzeko, beraz, kostua egokitu egiten da konpainia bakoitzaren tamainaren eta premien arabera” dio Gonzalo Lópezek.
Aplikazio hau Qlik teknologiarekin eraiki da, zeina, Gartner aholkularitzaren arabera, liderra baita datuen analisian eta Business Intelligence delakoan. Sistemak oinarritzat hartzen du adimen areagotua, hots, makinaren adimen artifizialaren eta finantza-taldearen giza ezagutzaren arteko konbinazioa. “Konponbide honekin datuetan murgildu zaitezke, egoera zehatzak aztertu eta nahi dituzun aldagaiak kendu etorkizuneko eszenatokiak aurreikusteko” diote Lanit-eko kideek.
Lanit Consulting enpresa Lanit taldeko kide da, eta datuen analitika deskriptibo eta prediktiboan espezializatuta dago. Bere diziplina anitzeko lantaldeak analitikako eta Business Intelligence arloko zerbitzuak eskaintzen ditu Iberdrola, Grupo Eroski, Uvesco eta Kutxabank bezalako bezeroentzat.
Lotutako albisteak
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.