Code Week ekimenak programazioa sustatzen du adin guztietan
Kodearen Europako Astea urriaren 6tik 21era egingo da
Programazioari buruzko oinarrizko nozioak izanez gero, posible da, besteak beste, animaziozko bideoklip bat sortzea, bideo-joko sinple bat garatzea edo robot bat nahi bezala mugiaraztea. Gainera, mundu digitala gure bizitzako ia arlo guztietara –bizitza profesional nahiz pribatura- zabaltzen ari da, eta inguratzen gaituen mundua ulertu nahi badugu, gero eta beharrezkoagoa da jakitea nola funtzionatzen duten lengoaia digitalek.
EU Code Week ekimenaren helburua da programazioaren ikaskuntza sustatzea ikuspegi sortzaile batetik abiatuta eta pertsona guztiak animatzea praktikaren bitartez ikastera. Horretarako, prestakuntza-topaketak eta topaketa ludikoak antolatzen dira, programazioak eskaintzen dituen aukera guztiak erakusteko. Kodearen Europako Astea 2013an sortu zen, Europako Agenda Digitalaren barruko Kontseilari Gazteen taldearen ekimen bezala, eta lau edizioren buruan, dagoeneko zabaldu da munduko 50etik gora herrialdetara.
Code Week ekitaldi txikiz osaturik dago, eta tokian tokiko agente boluntarioek antolatzen dute horietako bakoitza. Edonork antola dezake topaketa autonomo bat eta Code Week astearen programazioan sartu, izan erakundea, enpresa edo mugimendu honi lagundu nahi dion pertsona bat. Behar dena da ikasteko prest dagoen parte-hartzaile talde bat, prestatzaile bat edo gehiago eta topaketa egiteko toki bat.
Code Week ekitaldien gaiak eta edukiak irekiak dira, baina gomendagarria da ikuspegi praktiko eta sortzailea ematea topaketari, parte-hartzaileek proiektu txiki bat garatuz ikas dezaten. Code Week ekimenaren atarian hainbat baliabide, tresna eta tutorial eskura daitezke topaketetako saioetan erabiltzeko, besteak beste, adin eta zailtasun maila desberdinetarako prestatutako ariketak. Esaterako, material ugari deskargatu daiteke aplikazio mugikorrak programatzeko, Scratch erabiltzen ikasteko edo robotikaren munduan murgiltzeko.
Kodearen Astea Merkatu Digital Bakarrerako estrategiaren barruan dago eta Europako Batzordearen laguntza jasotzen du. Herrialde bakoitzean borondatezko Code Week Enbaxadoreak daude, zeintzuek ekimena koordinatzen baitute lurralde mailan eta tokian tokiko antolatzaileak aholkatzen baitituzte. 2017an 25.000tik gora jarduera hezitzaile egin ziren 52 herrialdetan eta 1’2 milioi lagunek parte hartu zuten.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.