Daniel Brett (CounterCraft): “Basque CyberSecurity Centre-k nazioarteko presentzia eta garrantzia izaten lagunduko digu”
CounterCraft startup donostiarrak hizpide hartu ditu nazioartean lortu duen arrakastaren gakoak, eta dagoeneko prestatzen ari da merkatu berrietan sartzeko
Zibersegurtasun sektoreko CounterCraft startupak hazkundearen aldeko apustua egin du, negozio-eredu berritzaile bat eskainiz, plantilla neurrian indartuz eta nazioarteko merkatuetara begiratuz. Bi urte eta erdi baino ez dituen arren, Donostiako bere egoitzatik jauzi egin du Erresuma Batura eta Estatu Batuetara, eta epe ertainean beste herrialde batzuetan lurreratzea espero du, hala nola Alemanian, Frantzian, Holandan, Suedian edo Norvegian. Konpainiako plantilla ia %100 hazi da 2018an (gaur egun 23 langile ditu).
CounterCraft enpresa protagonista izan da ekainaren 8an Donostian egindako Deusto Business School ekitaldian. Tecnalia Ventures-ek antolatzen du ekitaldi hori Bizkaiko Foru Aldundiaren, Deustuko Unibertsitatearen eta Izarra Fundazioaren laguntzarekin, eta edizio honen helburua izan da ezagutzera ematea CounterCraft konpainiaren esperientzia, hasi sorreratik eta gaur egun bizi duen eskalatze prozesuraino. Eskalatze prozesu horretan abiatu baino lehen 2 milioi euroko finantzaketa erronda bat jaso du, non parte hartu duten Adara Ventures, Orza, Telefónica Open Future –Wayra sarearen bitartez- eta Evolution Equity Partners-ek. Eta ezin ahaztu enpresaren nazioartekotze esperientzia.
Ekitaldia baino egun batzuk lehenago mintzatu ginen Daniel Brett-ekin, CounterCraft enpresako fundatzaile eta Estrategiako zuzendariarekin, zeinak asmoa baitzuen Pitch&Pintxo ekitaldiko hitzaldia emateko. Danielek esan zigun “startup batentzat zaila dela nazioartekotze prozesu bati aurre egiteko behar diren baliabideak lortzea”. “Jendea sartu dugu gure merkatu guztietan (Espainian, Estatu Batuetan eta Erresuma Batuan), zibersegurtasunaren sektorea batez ere konfiantzan oinarritzen delako. Irudia eta mezuak landu behar dira jendearen konfiantza lortzeko. Lan handia egin dugu konfiantza hori lortzeko, adibidez, ekitaldi fisikoetara joan gara (hala nola, azokak, hitzaldiak), prentsarekin hitz egin dugu, eta banan-banan bisitatu ditugu bezeroak, gure gaitasunak azaltzeko eta euren feedback-a jasotzeko”.
CounterCraft enpresak Britainia Handiko merkatuaren aldeko apustua egin du, eta Daniel Brett-ek horren arrazoiak azaldu dizkigu: “Ingelesez mintzatzen den merkatu bat da, eta Europako handienetakoa. Merkatu horretan arrakasta lortzen badugu, baliteke arrakasta hori beste herrialde batzuetara estrapolatu ahal izatea. Bestalde, enpresa europarra gara, Espainian langileak dituena, baina baita ere Erresuma Batuan. Merkatu berrietara irekita posible da lan-nitxo berrietan sartzea eta profesional kualifikatuak aurkitzea, gaur egun oso zaila baita horrelako profilak aurkitzea Euskadin”.
Zaila da Euskadin zibersegurtasunaren sektoreko profesionalak aurkitzea, azken urteotan asko hazi delako arlo horretako enpresen ekosistema, eta atzerriko enpresak hasi dira horretaz jabetzen. “Martxoan San Frantziskon izan ginen, RSA Conference ekitaldian, zibersegurtasunaren munduko azoka garrantzitsuenean. Han zeuden Espainiako sei enpresetatik bi Madrilekoak ziren, beste bat Bartzelonakoa, eta beste hirurak Donostiakoak. Horrek harro sentiarazten gaitu eta ikusarazten digu zer gertatzen ari den Euskadin zibersegurtasunaren munduan” azpimarratu du Daniel Brett-ek.
Administrazioek ere zerikusia izan dute zibersegurtasunaren bultzada horrekin, erakutsi baitute interesatzen zaiela ekosistema hori sortu eta indartzea. “Seinale oso onak ikusten ari gara, adibidez Basque CyberSecurity Centre (BCSC) edo Ziur-Industrial Cyber Security Center Gipuzkoa martxan jarri izana. BCSC ikur bat da, eta laguntza handia emango die hiritar nahiz enpresei zibersegurtasuna hobetzeko. Halaber, lagungarri izango da nazioartean presentzia eta garrantzia lortzeko, eta Euskadiko zibersegurtasun produktuak Europako beste herrialde batzuetara esportatzeko” diote CounterCraft enpresako ordezkariek.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.