De Fobos y Deimos-ek LGTBI komunitatearekiko diskriminazioaren aurka egin nahi du joko bidez
Psikologo bizkaitar batek LGTBIen aurkako jazarpenean oinarritutako lehen bideo-jokoa sortu du
Jokin Defendatzaileen Akademian ikasten hasi berri den mutiko bat da; bidegabekeriak jasaten dituzten pertsonak babestea da bere asmoa. Baina bere identitate sexuala dela-eta, ingurukoen jazarpena eta diskriminazioa jasaten hasiko da, eta LGTBIfobiaren biktima bihurtuko da.
Jokin protagonista duen De Fobos y Deimos bideo-jokoa LGTBIek jasaten dituzten diskriminazioaren eta jazarpenaren aurka egitea helburu duen estatuko lehena da. Proiektu hau Alex Rodríguez psikologo eta hezitzaile euskaldunak sortu du, zeinak zazpi urte baino gehiagoko esperientzia baitu babesik gabe dauden adingabeekin lanean.
De Fobos y Deimos rol-joko bat da, fantasiazko unibertso batean girotua. Mota honetako beste bideo-joko batzuetan bezala, pertsonaiak erronkak ebatzi behar ditu, eta arerioen aurka egin behar du, bere trebetasunak baliatuz. Baina, kasu honetan, areriorik handiena LGTBIfobiak sortzen duen gorrotoa eta beldurrak dira, eta jokalariek berek jasango dute diskriminazio hori.
“Bideo-jokoetan interakzioa handia da, eta jokalaria erabat murgiltzen da istorioan; beraz, tresna bikaina da enpatia sortzeko”, adierazi du Alex Rodríguezek, “desberdinak diren pertsonak diskriminatzea edo onartzea guk geuk erabakitzen dugu; jokoak transmititu nahi duen ideia da ardura hori garrantzitsua dela eta beharrezkoa dela ardura hori geure gain hartzea, hor desagertzen baita homofobiaren mamua”.
Bideo-jokoak 11 pertsonaia, zenbait zailtasun-maila eta amaiera desberdinak ditu, jokalariak hartutako erabakien araberakoak. Gazteei eta heziketan aritzen diren profesionalei zuzenduta dago. Sortzailea Gaymer.es taldeko kidea eta kolaboratzailea da, LGTBIei buruzko gaztelaniazko bideo-jokoen komunitate handienekoa.
Bideo-jokoak harrera ona izan duela ikusita, azaroaren 11n topaketa bat egingo da Bilboko Bilborock aretoan, bullyingari eta bideo-jokoak hezkuntza-tresna gisa erabiltzeari buruz. Jardunaldi ireki horretan parte hartuko dute Arnastu elkarteak, Isabel Cano bideo-jokoen garapeneko irakasleak eta Gaymer komunitateko ordezkariek.
De Fobos y Deimos jokoaren esperientziaren ondoren, Alex Rodríguez erabat murgilduta dago proiektu profesional berri batean: Jokabide. Jokoa terapia psikologikoko eta hezkuntza emozionaleko tresna gisa erabiltzea da ekimenaren helburua.
Lotutako albisteak

Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.

Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.

% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean

Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.

Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.