Teknologiak aurreratuak enpresen eraldatze digitala bultzatzeko
DECIDEren helburu nagusia da softwarea garatzeko euskarri bat garatzea, hurrengo belaunaldikoa, eta, horretarako, zenbait teknika, tresna eta mekanismo gaituko ditu hodei anizkoitzeko aplikazioak diseinatzeko, garatzeko, erabiltzeko eta dinamikoki biltzeko nahiz hedatzeko, hodeiko zerbitzu fidagarri, elkarreragingarri eta legezkoen ekosistema batean.
DECIDE Europako H2020ko ikerketa-proiektu bat da, eta Europako Batzordeak finantzatu du hiru urtez. Gure bazkideen egoitzak 6 herrialdetan daude, eta Europako iparraldea eta hegoaldea ordezkatzen dituzte: AIMES, Arsys, HPE, Experis IT, time.lex, Fraunhofer, CloudBroker eta TECNALIA. TECNALIA izendatu dute partzuergoaren buru.
DECIDEk produktibitatea hobetuko du eta errendimendu eta fidagarritasun handiak behar dituzten aplikazioak merkaturatzeko behar den denbora murriztuko du, baita kudeatzen duten informazioaren izaeragatik hodeiko baliabideen lege-alderdiak oso garrantzitsuak dituzten aplikazioena ere.
DECIDEn egindako lana hauentzat da garrantzitsua, zehazki: hodei anizkoitzeko aplikazioak garatzen eta administratzen dituztenak, hodei anizkoitzeko aplikazioen hornitzaileak, komunitate zientifiko-teknikoa eta estandarizazioaren komunitatea.
DECIDEk DevOps euskarri hedatu bat garatuko du, zeinak zerbitzu hau emango baitie software-garapeneko enpresei:
- hodei anizkoitzeko aplikazioen garapen-prozesuak eta eragiketak hobetu;
- garatzaileen eta administratzaileen produktibitatea hobetu;
- aplikazioaren mantentze-zerbitzua, erabileraren kalitatea (QoE, Quality of Experience) eta zerbitzuaren kalitatea (QoS, Quality of Service) bermatu ekoizpen-prozesuan;
- eta merkaturatzeko behar den denbora murriztu.
DECIDEk bultzada bat emango dio uneko punta-puntako teknologiari, eta berrikuntza garrantzitsuak egingo ditu DevOPs zikloaren fase hauetan:
- hodei anizkoitzeko aplikazioak definitzea eta haien ezaugarriak definitzea, haien software-osagaiak hodeiko zenbait hornitzailetan banatuta hedatzeko aukerarekin, hodeiko baliabideen konbinazio onena lortzeko aplikazio osorako;
- mekanismoak garatzea, baldintza ez-funtzional jakinak dituen aplikazio zehatz baterako hodeiko zerbitzuen konbinazio onena duten hedapenak simulatzeko;
- tresnak ezartzea, hodei anizkoitzeko aplikazioen monitorizazio jarraitua egiteko eta haiek egokitzeko propietate ez-funtzionalen aldaketen arabera edo hodeiko zerbitzuen zerbitzu mailako hitzarmenen arabera (SLA, Service Level Agreement);
- unean-unean erabilgarri dauden hodeiko zerbitzuen (edo hodeiko zerbitzuen konbinazioaren) bilaketa adimenduna, konbinazioa eta monitorizazioa egiteko mekanismoak garatzea;
- DevOps euskarri integratu bat inplementatzea, softwarearen garapeneko bizi-zikloko fase guztietarako, tresnen arteko lan-fluxua errazteko.
Hau esan du Leire Orue-Echevarríak (TECNALIA, proiektuaren koordinatzailea):
“DECIDEk arkitektura-fasera zabaldu du gaur egun DevOps-ez ulertzen duguna, eta hodei anizkoitzeko aplikazio konplexuen funtzionamenduari laguntzen dio, aplikazioaren bizi-ziklo osoan, diseinutik ustiapenera, erabiltzeko tresnak emanez garatzaile eta administratzaileei”.
DECIDEk osatu du jada proiektuaren lehen urtea, eta bizkor asko ari da aurrera egiten. Lanaren ardatza, orain arte, proiektuaren parte diren tresnen arkitektura orokorra definitzea izan da, eta orobat tresna horietako bakoitzaren erabilera zuzenduko duen euskarria garatzea ere bai. Tresnen lehen bertsioa kode irekiarekin argitaratu da, eta hemen dago: https://git.code.tecnalia.com/DECIDE_Public/DECIDE_Components
Proiektu honek Europar Batasuneko ikerketa eta berrikuntzako H2020 programaren finantziazioa jaso du, 731533 zenbakiko diru-laguntzaren bidez.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute