Demium Startups-ek talentu ekintzailea behar du Euskadin
Demium Startups haztegia Mondragon Team Academy taldearen laguntzarekin ari da lanean
Demium Startups enpresa digital berrien haztegi-sare bat da eta hiru egoitza ditu Estatuan: Valentzian, Madrilen eta Bartzelonan. Ekimen hori laguntza-programa bat da, non negozio-proiektuak hutsetik sortzen baitira, horretarako negozio-ideiak identifikatuz eta ideia horiek ekintzaile-taldeen esku jarriz haiek garatu ditzaten.
Azeleragailu horrek beste egoitza bat ireki nahi du Euskadin Mondragon Team Academyren, hots, Mondragon Unibertsitateko Enpresa Fakultateko ekintzailetza-unitatearen eskutik. Hala, deialdi bat abiarazi du Demium Startups sarean sartu nahi duten ekintzaileentzat.
48 orduko All Startup Euskadi ekitaldi trinkoan egingo da hautaketa prozesua. Parte-hartzaileek 48 ordu dituzte taldean lan egiteko eta proposatutako ideiak garatzeko, aukera izango dutelarik orobat dinamika eta tailerretan parte hartzeko. Jardunaldien amaieran Demium Startups sareak lantalde onenak hautatuko ditu hazkuntza-programan parte har dezaten. 6 hilabeteko prozesu bat izango da, non hautatutako pertsonek benetako startup bat sortuko baitute hasierako negozio-ideiatik abiatuta, laguntza eta babesa jasoko dutelarik bidean zehar.
All Startup Euskadi topaketa apirilaren 20tik 22ra egingo da Bilbao Berrikuntza Faktorian, eta parte hartzeko epea zabalik egongo da apirilaren 16ra arte haztegiaren web orrian. Interesatuek izena eman dezakete bakarka edo taldeka, eta ez da derrigorra garatu gabeko negozio-proposamen bat izatea, Demium Startups sareak hainbat ideia eskainiko baititu beste herrialde batzuetako joeretan edo proiektu arrakastatsuetan oinarrituta. Haztegi horren helburua da talentu ekintzailea bilatzea proiektuak garatzeko teknologiaren, marketinaren eta enpresen garapenaren arloetan.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.