DifferEngin enpresak 40 urteko autonomia duten IoT gailuak sortu ditu
Euskal startup honek Gauzen Interneteko teknologiak aplikatzen dizkie sektore desberdinetako produktuei
DifferEngin enpresa Internet of Things teknologietan espezializatutako ingeniaritza bat da, neurrira eginiko konponbideak garatzen dituena bezero desberdinentzat. Hala, sentsore eta haririk gabeko komunikazio-sistemak aplikatzen dizkie lehendik existitzen diren produktu eta zerbitzuei, duela gutxira arte pentsaezinak ziren adimen eta prestazioez hornitzen dituztelarik.
Teknologia horien bereizgarri garrantzitsuena da merkatuan dauden beste gailuek baino askoz autonomia handiagoa dutela, 40 urterainokoa. Gainera, plataforma anitzeko komunikazio-sistemak erabiltzen dituzte, hala nola, WiFi, Bluetooth, NFC, Narrowband eta teknologia mugikorreko sareak. Horrela bermatzen da dispositiboa konektatuta dagoela edozein egoeratan. “Produktu bati teknologia berri bat txertatzen diozunean, kontuan hartu behar duzu ezin duela izan garestiegia, ez duela sortu behar komunikazio arazorik eta bere bateriak dezente iraun behar duela”, azaldu du Angel Garciak, DifferEngin enpresako kudeatzaileak, “guk komunikazio ubikuoa eskaintzen dugu, 30 kilometrotik gorako estaldurarekin, hau da, GSMrekin baino hiru aldiz gehiago, eta 40 urterainoko autonomia duten konponbideekin”.
DifferEngin estrategiak konektagarritasun geruza hori aplikatzen du merkatuan produktuak dauzkaten bezeroentzat, lehiakideek eskaintzen ez duten balio erantsi bat eskaini ahal izateko. Enpresa sortu zenetik (2017aren erdialdean) proiektuak garatu dituzte industriarako, eraikuntzarako eta baita ere nekazaritza eta abeltzaintza sektorerako. Industrian, adibidez, sistema bat sortu zuten balantzak ekoizten dituen enpresa batentzat. Sentsoreak instalatu zituzten produktu bakoitza automatikoki kalibratzeko tokian bertan. “Bezero honek balantzak saltzen ditu mundu osoan, eta nola grabitatea aldatu egiten den, jomugan bertan kalibratu behar izaten dira, baina teknologia honekin ez da beharrezkoa” azaldu du DifferEngin enpresako fundatzaileak “gainera, arazoren bat badago, nahikoa da sakelakoa balantzara hurbiltzea zerbitzuak informazio tekniko osoa jaso dezan”.
Startupak IoT teknologiak sartu ditu eraikuntza sektorean ere, zehazki, altzairuzko barretan. Sentsore horiek hobekuntza garrantzitsuak eskaintzen dituzte, bai produkzioan eta bai altzairuaren bizitza erabilgarrian, abisuak ematen dituztelako hormigoia gogortzen denean eta posible egiten dutelako altzairu horren inguruan eraikitako egituraren egoera ezagutzea. Gaur egun konpainiak proiektu bat du esku-artean, sentsoreak jartzeko butano bonbonetan eta horrela uneoro jakiteko zein den unitate bakoitzaren gas-maila.
DifferEngin enpresa BIC-Ezkerraldean kokatuta dago, eta hainbat laguntza jaso ditu bere negozio-eredua garatzeko eta merkatura zabaltzeko. “Oso eskertuta gaude BIC-Ezkerraldea zentroko lantaldeak eman digun laguntzagatik, horri esker posible izan dugulako laguntzak eskuratzea garapen teknologikoko prozesuan zehar eta enpresaren kudeaketari buruzko aholkularitza jasotzea” azaldu du Angel Garciak.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.