Digitalizazioak eskaintza pertsonalizatuen bidez komertzializazio lanean laguntzen du, azoka faltari aurre egiteko
Pandemiaren eraginez, enpresa askoren komertzializazio arloetan bere lana egiteko modua erabat aldatu da. Mugikortasunaren murrizteak zerbitzuekin edo produktuekin aurrez aurreko proposamenak egitea eragotzi egin du. Ezinezkoa izan da bezeroak bisitatzea edo azoketara joatea, gehienak bertan behera geratu direlako edo atzeratu direlako. Nola konpondu arazo hau? Digitalizazioa da egoera honi aurre egiteko konponbide bat.
Informazio-teknologiak enpresa baten prozesu gehienetan erabiltzeko aukera dago: makinen interkonexioetan, kudeaketa-sistemetan eta bezeroekiko harremanetan. Emaitzarik onenak lortzeko, enpresa baten sistema guztiak zentralizatzea da helburua. “Salmenten digitalizazioa enpresako gainerako sistemekin konektatu behar da, bezeroaren eskaerak dagoen eskaintzatik heldu daitezen, produktuaren entrega eman arte”, azaldu dute adituek.
Semantic Systems eraldaketa digitalera bideratutako euskal enpresak, sistema honen bidez lan egin du konfinamendu-hilabete hauetan, eta horrela helarazi die haien bezeroei. “Enpresaren lan egiteko sisteman bizi izan dugu. Merkataritza-prozesuak digitalizatuta edukitzeari esker, gure jarduera bizia izan da, eta errendimendu osoarekin jarraitu dugu lanean“, azaldu du Joserra Valle, Derion kokatuta dagoen enpresaren marketin-zuzendariak. “Lehen, urte hasieran sei edo zazpi azokatara joaten ginen, baina denak bertan behera geratu dira. Orain, eskariaren sorrera hori tresna digitalen bidez ordezkatzen ari gara”.
Semantic Systems esponentzialki hazi da orain dela 18 urte sortu zenetik. Lau langilerekin hasi zen eta une honetan 200 baino gehiago ditu lantaldean. Madrilera eta Kataluniara hedatu da, eta urtero milioi bat euro inbertitzen ditu I+Garen arloan. Haien bezeroen artean, hainbat industria-sektore desberdinetako euskal enpresa handiak daude. 4.0 industriaren digitalizazio-prozesuetan zein kudeaketa eta administrazio lanetan edo merkataritza lanetan parte hartzen du.
Azken alderdi honi dagokionez, “negozio-arauak sortzea posible da, komertzialak berak eskaintza sor dezan, bulego teknikoa alboan egon behar izan gabe”, baita produktu konplexu eta pertsonalizatuen kasuan ere.
Orain, Semantic Systems produktu berriak garatzen ari da, biki digitalen eta teknologiaren bidezko simulazioen bezalako arloetan, baita industria-sektoreko komunikazioen estandarizazioan ere. Gaia klusterreko kide bezala, digitalizaziora bideratutako lankidetza-proiektu desberdinetan parte hartzen du. Azken urteetan, Hazitek programaren hainbat deialdietan parte hartu du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.