Eguzki-planta fotovoltaikoen kudeaketa adimendunerako urruneko monitorizazio-plataforma
P4Q energia sektorean diharduen Alonsotegin (Bizkaia) kokatutako ETE bat da. Enpresa horrek eguzki-produktuaren banaketa abian jartzeko eta saldu osteko zerbitzuetan diharduen filialean, eguzki-jarraitzaileak denbora errealean kontrolatzeko sistemen eragiketa-parametroak urrunetik monitorizatzeko beharra detektatu zuen . Horri esker, batetik, analisi hobea egin ahal izango lukete, eta, bestetik, gorabeherak azkar konpondu ahal izango lituzkete, baita eredu proaktiboak eta iragarleak eraiki ere, eta, aldi berean, bezeroen mantentze-lanen kostua eta eskuragarritasuna murriztu ahal izango lukete.
IoT, Cloud, IA eta Zibersegurtasun teknologiak erabiliz, eguzki-planta fotovoltaikoen kudeaketa adimendunerako urruneko monitorizazio-plataforma bat garatzea eta abian jartzea lortu dute. Horri esker, sistema fotovoltaikoen operatiba eta eskuragarritasuna hobetu ahal izan dute, negozio-eredu berriak garatu ahal izan dituzte, beste konpainia espezializatu batzuekin lankidetzak ezarri ahal izan dituzte eta merkatuaren lehiakortasuna hobetu dute, produktu bakarra baita.
Begira P4Q-k dena azaltzen dizun bideoa!
Beharra:
- Eguzki jarraitzaileak denbora errealean kontrolatzeko sistemen eragiketa-parametroak urrunetik monitorizatu ahal izatea, gorabeherak hobeto aztertu eta azkar konpondu ahal izateko, eta O&M eredu proaktiboak eta iragarleak eraikitzeko.
- Gure bezeroei mantentze- eta eragiketa-kostuak murriztea, eta instalazioen eskuragarritasuna eta, beraz, ekoizpena handitzea. Erantzun-denborak eta kanpo-kostuak murriztea (bidaiak, etab.). Eguzki-jarraitzaileen beste fabrikatzaile batzuen aurrean lehiatzeko gaitasuna indartuko duten balio erantsiko irtenbideak ematea.
Konponbidea behar duen enpresaren arloa:
P4Q Taldearen filiala, eguzki-produktuaren banaketa abian jartzeko eta saldu-osteko zerbitzuetan diharduena.
Sektorea: Energia
Lokalizazioa: Alonsotegi (Bizkaia)
Konponbidearen onurak:
- Sistema fotoboltaikoen eraginkortasuna eta erabilgarritasuna hobetzea.
- Negozio-eredu berriak garatzea (balio erantsiko produktu eta zerbitzu berriak).
- Beste konpainia espezializatu batzuekin lankidetza-harremanak ezartzea.
- Lehiakortasuna hobetzea, merkatuan produktu bakarra baita.
Sartutako teknologia berriak:
- Tresnen Interneta (IoT)-Sensoreak-kudeaketa-komunikazioetarako plataforma.
- Big Data-Cloud- Data intelligence.
- Adimen artifiziala (IA), Gehiegizko kontsumoak eta alertak aurreikusteko kontrola.
- Zibersekuritatea-Application Security (ISO 27.001 konplimendua).
Lotutako albisteak
Bin-picking teknologia pieza metalikoen posizionamendurako
Cikautxo Mondragon taldeko automobilgintzako kooperatiba bat da, eta 2.500 langile inguru ditu mundu osoan, presentzia nabarmena baitu Espainian, Txekiar Errepublikan, AEBetan, Mexikon eta Indian, besteak beste.
Hariztatzeko erreminten estalduren hobekuntza
Heroslam Euskadiko lehen Lan Sozietate Anonimoa da, 1973an sortua. Eskakizun handiko sektoreetarako (aeronautika, eraikuntza, automobilgintza...) hariztatzeko tresnen fabrikazioan oinarritutako enpresa da.
Altzairu herdoilgaitzak koloratzeko teknika berriak
In-metals Inoxidables enpresa Teknikerrekin elkarlanean aritu da BDIH Konexio programaren bidez, altzairu herdoilgaitza koloratzeko prozesua optimizatzeko. Zehazki, "magnetron sputtering" teknikarekin esperimentatu du, PVD bidezko kolorazioak kanpoaldean eragiten zituen arazoak konpontzeko. Egindako probei esker, In-metals-ek bere produktuak askoz ere ingurune oldarkorragoetan erabili ahal izan ditu.
Hidrosolidifikazio bidezko piezen fabrikazioa
Talleres Asca 1970eko hamarkadan arte sortu zen, Durangaldean zeuden burdinurtuei zerbitzua emateko helburuarekin. 2014an, zuzendaritza berri batek bazkide sortzaileen lekua hartu zuen, eta enpresa eraldatzeko eta modernizatzeko aldi bati hasiera eman zion.
Tren oheak marruskadura-soldaduraren bidez fabrikatzea
Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi propio ditu, bi Euskadin eta hirugarren bat Mexikon. Ingeniaritza eta fabrikazio-zerbitzuengatik nabarmentzen da, batez ere hainbat fabrikazio-prozesu integratzeko duen gaitasunagatik, hala nola soldadura, itsasgarria eta pintura.